HP Layoffs: టెక్ రంగంలో ఉద్యోగాల కోతలు ఆగే సూచనలు కనిపించడం లేదు. ఆర్థిక మాంద్యం భయాలతో ప్రారంభమైన ఈ ఉద్యోగాల తగ్గింపు ధోరణి, ఇప్పుడు కృత్రిమ మేధసాంకేతికత (AI) ప్రభావంతో మరింత వేగం అందుకుంది. తాజాగా ప్రపంచ ప్రసిద్ధ కంప్యూటర్లు, ప్రింటర్లు తయారు చేసే హెచ్పీ (HP) కూడా పెద్దఎత్తున ఉద్యోగులను తొలగించే నిర్ణయం ప్రకటించి ఐటి వర్గాల్లో చర్చనీయాంశమైంది. వచ్చే రెండేళ్లలో కంపెనీ దాదాపు 6 వేల మందికి ఉద్యోగాల కోత విధించాలని వెల్లడించింది.
అభివృద్ధిలో AI వినియోగాన్ని పెంచడం
2028 ఆర్థిక సంవత్సరం నాటికి ప్రపంచవ్యాప్తంగా తమ సిబ్బందిని 4,000 నుంచి 6,000 మంది వరకు తగ్గించే లక్ష్యంతో ముందుకు సాగుతున్నట్లు హెచ్పీ తెలిపింది. ఈ కోతలు కంపెనీ మొత్తం ఉద్యోగుల్లో సుమారు 10 శాతం వరకు ఉంటాయని సమాచారం. కార్యకలాపాలను సులభతరం చేయడం, ఉత్పత్తుల అభివృద్ధిలో AI వినియోగాన్ని పెంచడం కోసం ఈ కీలక నిర్ణయం తీసుకున్నట్లు యాజమాన్యం తెలిపింది.
గతేడాది ఆర్థిక అస్థిరత నేపథ్యంలో వేలాది మంది ఉద్యోగులను(employees) తొలగించిన టెక్ సంస్థలు, ఇప్పుడు AI ఆధారిత మార్పులకు అనుగుణంగా మళ్లీ ఉద్యోగాలపై కత్తెర వేస్తుండడం ఉద్యోగుల్లో ఆందోళన పెంచుతోంది. హెచ్పీ లేఆఫ్ల ప్రకటన వెలువడగానే మార్కెట్లో కంపెనీ షేరు విలువ క్షీణించడం కూడా గమనించాల్సిన విషయమే.
Read hindi news: https://hindi.vaartha.com
Epaper : https://epaper.vaartha.com/
Read also :
