Submarine Strike: శ్రీలంక తీరానికి సమీపంలో ఇరాన్కు చెందిన ఒక నౌకపై సబ్మెరైన్ (జలాంతర్గామి) దాడి జరిగినట్లు అంతర్జాతీయ సమాచారం అందుతోంది. ఈ ఆకస్మిక దాడి కారణంగా నౌక తీవ్రంగా దెబ్బతిన్నట్లు తెలుస్తోంది. ప్రమాద సమయంలో నౌకలో ఉన్న వారిలో సుమారు 101 మంది గల్లంతైనట్లు ప్రాథమిక నివేదికలు చెబుతున్నాయి. ఈ ఘటన హిందూ మహాసముద్ర ప్రాంతంలో తీవ్ర ఉత్కంఠను రేకెత్తిస్తోంది.
Read Also: Iran war: హోర్ముజ్ లో నిలిచిన ఆయిల్ ట్యాంకర్లు..అమెరికా వ్యూహంలో భాగమేనా?
రంగంలోకి దిగిన శ్రీలంక నేవీ.. 30 మంది సురక్షితం
నౌక ప్రమాదానికి గురైన వెంటనే ఇరాన్ నౌక నుంచి అత్యవసర సంకేతాలు (Distress Signals) అందాయి. ఈ సమాచారంతో వెంటనే స్పందించిన శ్రీలంక నేవీ బలగాలు యుద్ధ ప్రాతిపదికన సహాయక చర్యలను ప్రారంభించాయి. నావికాదళం సాహసోపేతంగా వ్యవహరించి ఇప్పటివరకు 30 మందిని సురక్షితంగా రక్షించగలిగింది. మిగిలిన వారి కోసం గాలింపు చర్యలు ముమ్మరంగా కొనసాగుతున్నాయి.
అయితే, ఈ దాడి వెనుక ఉన్నది ఎవరు అనే విషయంపై ప్రస్తుతం మిస్టరీ నెలకొంది. అంతర్జాతీయ సముద్ర జలాల్లో ఇరాన్ నౌకను లక్ష్యంగా చేసుకుని ఈ జలాంతర్గామి దాడి ఎవరు చేశారనే దానిపై అటు ఇరాన్ గానీ, ఇటు శ్రీలంక అధికారులు గానీ స్పష్టమైన ప్రకటన చేయలేదు. ఈ ఘటన వల్ల పశ్చిమాసియాలో ఇప్పటికే నెలకొన్న ఉద్రిక్తతలు దక్షిణ ఆసియా సముద్ర తీరాలకు కూడా పాకే ప్రమాదం ఉందని విశ్లేషకులు భావిస్తున్నారు.
Read hindi news: hindi.vaartha.com
Epaper: epaper.vaartha.com
Read Also: