అమెరికా (America) ప్రభుత్వం షట్డౌన్లోకి ప్రవేశించడం అంతర్జాతీయ స్థాయిలో పెద్ద చర్చనీయాంశమైంది. అధికార రిపబ్లికన్లు, ప్రతిపక్ష డెమొక్రాట్ల మధ్య నిధుల కేటాయింపులపై వచ్చిన విభేదాలు ఈ పరిస్థితికి దారితీశాయి. తాత్కాలిక నిధుల ప్యాకేజీని డెమొక్రాట్లు నిరాకరించడంతో గడువు ముగిసిపోయి ప్రభుత్వం స్తంభించింది. ఈ షట్డౌన్ (Shutdown) కారణంగా అత్యవసరమికాని పలు సేవలు నిలిచిపోయే అవకాశం ఉందని అధికారులు చెబుతున్నారు.
Donald Trump : ముస్లిం దేశాలను తప్పుదోవ పట్టించిన ట్రంప్?
భారీ సంఖ్యలో ప్రభుత్వ ఉద్యోగులను పక్కన పెట్టే అవకాశం ఉండటంతో.. పలు కార్యాలయాలు మూతపడే పరిస్థితి తలెత్తింది. ఈ కారణంగా వీసా (Visa) ల ప్రాసెసింగ్ కూడా నిలిపివేయనున్నారని ఇమ్మిగ్రేషన్ అటార్నీ ఒకరు వెల్లడించారు. ఉద్యోగ ఆధారిత గ్రీన్ కార్డులపై కూడా షట్డౌన్ ప్రభావం ఉంటుందని వెల్లడించారు.
హెచ్1బీ వీసా పొందాలంటే.. యూఎస్ డిపార్ట్మెంట్ ఆఫ్ లేబర్ వద్ద.. లేబర్ కండిషన్ అప్లికేషన్ (LCA)కు దరఖాస్తు చేసుకోవాలి. ఎల్ల్సీకు అనుమతి లభిస్తే.. అమెరికా సిటిజెన్షిప్, ఇమ్మిగ్రేషన్ సర్వీసెస్ (USCIS) విభాగం వద్ద.. మీకు వీసా స్పాన్సర్ చేసే కంపెనీ హెచ్1బీ పిటిషన్ దాఖలు చేస్తుంది.
ఎంప్లాయ్మెంట్ బేస్డ్ గ్రీన్కార్డ్ అప్లై చేసుకోవాడనికి
ఇక ఇదే లేబర్ డిపార్ట్మెంట్.. ఉగ్యోగ ఆధారిత గ్రీన్కార్డ్ అప్లై చేసుకోవడం కోసం.. PERM అనే సెర్టిఫికేట్ జారీ చేస్తుంది. ఎంప్లాయ్మెంట్ బేస్డ్ గ్రీన్కార్డ్ అప్లై చేసుకోవాడనికి ఈ సెర్టిఫికేట్ కీలకం.USCIS విభాగం వీసా ఫీజుల ఆధారంగా నడుస్తుంది కాబట్టి.. ఏ సమస్య లేదు. కానీ లేబర్ డిపార్ట్మెంట్ అమెరికా ఫెడరల్ నిధులతో కార్యకాలాపాలు సాగిస్తుంది.
అందుకే ఈ లేబర్ డిపార్ట్మెంట్కు.. ప్రభుత్వం ఫండింగ్ ఇవ్వకపోతే మూతపడుతుంది. దీంతో దరఖాస్తులు ఎక్కడికక్కడే ఆగిపోతాయి. అయితే షట్డౌన్ ముగిసిన తర్వాతే ఈ ప్రక్రియ తిరిగి ప్రారంభమవుతుందని నిపుణులు చెబుతున్నారు.షట్డౌన్ కారణంగా ముఖ్యంగా కొత్త దరఖాస్తుదారులు తీవ్రంగా ప్రభావితం అవుతారని.. నిపుణులు చెబుతున్నారు.
భారత్లోని అమెరికా దౌత్య కార్యాలయం
ఇప్పటికే హెచ్1బీ, గ్రీన్కార్డ్ కోసం ప్రాసెస్ ప్రారంభమైనవారికి కూడా ఇది ఇబ్బంది కరంగా మారుతుందని చెబుతున్నారు. వీరు హెచ్1బీ, గ్రీన్కార్డ్ (H1B, Green Card) కోసం మరికొన్ని రోజులు ఎదురుచూడక తప్పదు.హెచ్1బీ, ఉద్యోగ ఆధారిత గ్రీన్కార్డ్ లబ్ధిదారుల్లో భారతీయులే అత్యధికంగా ఉన్నారు. కాబట్టి భారత సంతంతి వారికి ఇది పెద్ద దెబ్బే అని నిపుణులు అంటున్నారు.
అయితే ఇప్పటికే లేబర్ కండిషన్ సెర్టిఫికేట్ ఉన్న వారికి ఎలాంటి ఇబ్బందులు ఉండవని.. వారి దరఖాస్తులను USCIS ప్రాసెస్ చేస్తుందని చెబుతున్నారు. షట్డౌన్ వల్ల నెలకొన్న తాజా పరిస్థితిపై స్పందించిన భారత్లోని అమెరికా దౌత్య కార్యాలయం..
అమెరికాతో పాటు విదేశాల్లోని దౌత్య కార్యాలయాల్లో పరిస్థితి సహకరించినంత వరకు ప్రాసెస్ జరుగతుందని పేర్కొంది. అయితే ట్విట్టర్లో మాత్రం అప్డేట్లు ఉండవని వెల్లడించింది.
Read hindi news: hindi.vaartha.com
Read Also:
