మైక్రోసాఫ్ట్ సీఈఓ సత్య నాదెళ్ల(Satya Nadella) తన బృందానికి ఇప్పటివరకు కనిపించని స్థాయిలో కఠినమైన సంకేతాన్ని ఇచ్చారని బిజినెస్ ఇన్సైడర్ వెల్లడించింది. కృత్రిమ మేధస్సు (AI)కు పూర్తిగా అలవాటు పడాల్సిందే, లేదంటే సంస్థలో మీ భవిష్యత్తును తిరిగి ఆలోచించుకోవాల్సి వస్తుందని నాదెళ్ల స్పష్టంగా చెప్పినట్లు ఆ నివేదిక పేర్కొంది. 2025 చివర్లో పంపిన అంతర్గత మెమోలు, టౌన్హాల్ సమావేశాల ద్వారా ఈ దిశానిర్దేశాన్ని ఆయన బలంగా తెలియజేసినట్లు సమాచారం.
Read also: Smart Phones: వచ్చే ఏడాదిలో భారీగా పెరగనున్న స్మార్ట్ఫోన్ల ధరలు?
ఉద్యోగులకు షాక్? AIపై సత్య నాదెళ్ల కఠిన ఆదేశాలు
ఇది నాదెళ్ల గత పదేళ్లుగా అనుసరిస్తున్న సానుభూతి, సహకారం ఆధారిత నాయకత్వ శైలిలో కీలక మలుపుగా పరిశీలకులు భావిస్తున్నారు. మైక్రోసాఫ్ట్ ఇక కేవలం సాఫ్ట్వేర్ తయారీ సంస్థ మాత్రమే కాకుండా, ఒక ‘ఇంటెలిజెన్స్ ఇంజిన్’గా మారుతోందని, ఈ మార్పులో పాత ఆలోచనా ధోరణులు మరియు ఆలస్యమైన నిర్ణయాలు సంస్థకు ప్రమాదకరమవుతాయని నాదెళ్ల అభిప్రాయపడుతున్నట్లు నివేదిక తెలిపింది.
AI విప్లవంలో వెనుకబడితే ఒకప్పుడు టెక్ రంగాన్ని ఏలిన డిజిటల్ ఎక్విప్మెంట్ కార్పొరేషన్ (DEC)లా మైక్రోసాఫ్ట్ కూడా చరిత్రలో కలిసిపోయే ప్రమాదం ఉందని నాదెళ్ల తరచూ ఉదాహరణగా చెబుతున్నారని ఉద్యోగులు తెలిపారు. కొత్త సాంకేతిక మార్పులకు అనుగుణంగా మారడంలో విఫలమైతే ఎంత పెద్ద సంస్థ అయినా నిలబడలేదన్న సందేశాన్ని ఆయన DEC ఉదాహరణ ద్వారా తెలియజేస్తున్నట్లు సమాచారం.
మైక్రోసాఫ్ట్లో భారీ పునర్వ్యవస్థీకరణ
ఈ లక్ష్యాన్ని సాధించేందుకు మైక్రోసాఫ్ట్లో విస్తృత స్థాయి సంస్థాగత మార్పులు మొదలయ్యాయి. ఉన్నత స్థాయి నాయకత్వంలో మార్పులు, పెద్ద జట్లను చిన్న బృందాలుగా పునర్వ్యవస్థీకరించడం, వేగంగా నిర్ణయాలు తీసుకునే విధానాన్ని అమలు చేయడం, AI చుట్టూ అధికారాలను కేంద్రీకరించడం వంటి చర్యలు ఇందులో భాగంగా ఉన్నాయి. ఉత్పత్తుల రూపకల్పన నుంచి నిధుల కేటాయింపుల వరకు ప్రతి నిర్ణయంలోనూ AIనే కేంద్రంగా ఉంచే దిశగా కంపెనీ ముందుకెళ్తోంది.
నాదెళ్ల ప్రస్తుతం అత్యవసరతతో ముందుకు సాగుతున్నారని ఒక సీనియర్ మైక్రోసాఫ్ట్ ఎగ్జిక్యూటివ్ బిజినెస్ ఇన్సైడర్కు తెలిపారు. AI(Artificial intelligence) మార్పును వేగవంతం చేయడానికి ఆయన వారపు ‘AI యాక్సిలరేటర్’ సమావేశాలను ప్రారంభించడంతో పాటు, ప్రత్యేక టీమ్స్ ఛానల్ ద్వారా ఉద్యోగుల నుంచి కొత్త ఆలోచనలు, వినూత్న ప్రతిపాదనలు సేకరిస్తున్నారు. AI ప్రతి విభాగంలోనూ లోతుగా ప్రవేశించాలన్నదే ఈ ప్రయత్నాల ప్రధాన లక్ష్యంగా కనిపిస్తోంది.
ఇటీవలి పరిణామాల్లో భాగంగా ఆఫీస్, విండోస్ విభాగాల పర్యవేక్షణలో ఉన్న రాజేష్ ఝా, అలాగే మైక్రోసాఫ్ట్ సైబర్ సెక్యూరిటీ కార్యక్రమాలకు నాయకత్వం వహిస్తున్న చార్లీ బెల్ పదవీ విరమణ చేసే అవకాశాలు ఉన్నట్లు నివేదికలు సూచిస్తున్నాయి. ఇవన్నీ సంస్థను AI ఆధారిత భవిష్యత్తుకు సిద్ధం చేసే పెద్ద పునర్వ్యవస్థీకరణలో భాగమేనని విశ్లేషకులు అంచనా వేస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
