Robert Mueller Death: అమెరికా మాజీ అధ్యక్షుడు డొనాల్డ్ ట్రంప్, ఎఫ్బీఐ (FBI) మాజీ డైరెక్టర్ రాబర్ట్ ముల్లర్ మరణంపై వివాదాస్పద వ్యాఖ్యలు చేశారు. ముల్లర్ మృతి పట్ల తాను సంతోషంగా ఉన్నానని ట్రంప్ బహిరంగంగా ప్రకటించారు. “రాబర్ట్ ముల్లర్ ఇక లేరు, ఆయన చనిపోయినందుకు నేను ఆనందిస్తున్నాను. ఇకపై ఆయన అమాయక ప్రజలను వేధించలేరు” అంటూ ట్రంప్ తన సోషల్ మీడియా వేదికగా ఘాటుగా స్పందించారు.
Read Also :Iran : ఇరాన్ కు ట్రంప్ డెడ్ లైన్
Robert Mueller Death: ఎఫ్బీఐ మాజీ చీఫ్ చనిపోతే సంతోషించిన ట్రంప్
గత కొంతకాలంగా పార్కిన్సన్స్ వ్యాధితో బాధపడుతున్న 81 ఏళ్ల రాబర్ట్ ముల్లర్ ఇటీవలే కన్నుమూశారు. 2016 అమెరికా అధ్యక్ష ఎన్నికల్లో రష్యా జోక్యం చేసుకుందనే ఆరోపణలపై ముల్లర్ సుదీర్ఘకాలం విచారణ జరిపారు. ఈ విచారణ ప్రక్రియను ట్రంప్ మొదటి నుంచీ తీవ్రంగా వ్యతిరేకిస్తూ వచ్చారు. ముల్లర్ తనను మరియు తన బృందాన్ని లక్ష్యంగా చేసుకుని రాజకీయ వేధింపులకు పాల్పడుతున్నారని ట్రంప్ గతంలో అనేకసార్లు ఆరోపించారు.
రాబర్ట్ ముల్లర్ ఎఫ్బీఐ డైరెక్టర్గా సుదీర్ఘకాలం సేవలందించినప్పటికీ, ట్రంప్ హయాంలో జరిగిన రష్యా దర్యాప్తు వల్ల వీరిద్దరి మధ్య తీవ్రస్థాయిలో వైరం నెలకొంది. ముల్లర్ మరణం తర్వాత కూడా ట్రంప్ తన పాత కోపాన్ని ప్రదర్శించడం ఇప్పుడు అంతర్జాతీయ రాజకీయాల్లో చర్చనీయాంశంగా మారింది. సాధారణంగా ప్రత్యర్థులు మరణించినప్పుడు సానుభూతి తెలపడం ఆనవాయితీ కాగా, ట్రంప్ అందుకు విరుద్ధంగా ఆనందం వ్యక్తం చేయడం గమనార్హం.
Read Also hindi news: hindi.vaartha.com
Read Also Epaper : epaper.vaartha.com
Read Also :
