ఉక్రెయిన్పై యుద్ధం ముదురుతున్న ఈ తరుణంలో, రష్యా సైన్యం (Russian army)లో ఓ కొత్త భయం నెలకొంది. ఇటీవల ఫ్రంట్ లైన్ వద్ద ఉన్న నలుగురు రష్యా సైనికులు అనుమానాస్పద స్థితిలో ప్రాణాలు విడిచారు. వారు తాగిన నీళ్లలో విషం (Poison in drinking water) కలిసినట్టు అధికారులు గుర్తించారు. అదే నీళ్లు తాగిన మరికొంత మంది సైనికుల ఆరోగ్యం తీవ్రంగా దెబ్బతిందని సమాచారం.‘అవర్ వాటర్’ అనే బ్రాండ్ పేరుతో ఉన్న బాటిళ్లు మానవతా సహాయంగా పంపినవేనని మొదట భావించారు. అయితే ఆ నీళ్లు తాగిన వారు వెంటనే అస్వస్థతకు లోనై ప్రాణాలు కోల్పోవడంతో ఇది ఊహించని మలుపు తిరిగింది. ఈ బాటిళ్లు రష్యా ఆక్రమిత ప్రాంతానికి చేరినట్లు వార్తలు వెల్లడి చేశాయి.
క్రిమియాలో ఉత్పత్తి, కానీ పంపింది ఎవరు?
ఈ నీళ్ల బాటిళ్లు క్రిమియాలోని సిమఫెరోపోల్ నుంచి పంపబడ్డాయన్న అంశం తేలింది. అయితే, అవి ఎవరు పంపించారు? ఎలా సైనికుల చేతికి వచ్చాయి? వాటిలో విషం ఎప్పుడు కలిసింది? అన్న కోణాల్లో దర్యాప్తు ముమ్మరంగా సాగుతోంది. ఈ ఘటనపై క్రిమియా అధికారులు తీవ్రంగా స్పందిస్తున్నారు.
ఉక్రెయిన్పై అనుమానాలు… కానీ ఖండన కూడా
ఈ కుట్ర వెనుక ఉక్రెయిన్ ఉండవచ్చని రష్యా అనుమానిస్తోంది. ఇది తమ సైనిక శక్తిని బలహీనపర్చేందుకు ఉద్దేశించిన మానవహేతువాద దాడిగా మాస్కో భావిస్తోంది. కానీ ఉక్రెయిన్ ఈ ఆరోపణలను ఖండించింది. రష్యా సైనికులు డ్రగ్స్ వాడుతున్న విషయాన్ని దాచిపెట్టేందుకే ఈ నాటకమని కీవ్ ఆరోపిస్తోంది.
మరిన్ని ప్రశ్నలు – తక్కువ సమాధానాలు
ఈ విష జల వ్యవహారం ఇప్పుడు అంతర్జాతీయంగా చర్చనీయాంశమైంది. సహాయం పేరుతో పంపిన బాటిళ్లలో ఇలా విషం కలవడం వెనుక ఎలాంటి కుట్ర దాగుందో అనే విషయం ఇంకా అర్ధం కావడం లేదు. ఎవరు బాధ్యత వహించాలి? ఎవరు ఈ విష ప్రయోగానికి కారకులు? అన్న ప్రశ్నలకు సమాధానాలు ఇంకా దొరకాల్సి ఉంది.
Read Also : పహల్గాం ఉగ్రదాడి వెనుక ఉంది ఆ గ్రూపే.. అమెరికా కీలక నిర్ణయం
