లండన్లోని వెస్ట్మినిస్టర్ యూనివర్సిటీలో పొలిటిక్స్, అంతర్జాతీయ సంబంధాలపై బోధించే బ్రిటిష్ కాశ్మీరీ ప్రొఫెసర్ నితాషా కౌల్ (Nitasha Kaul) ఓవర్సీస్ సిటిజన్షిప్ ఆఫ్ ఇండియా కోల్పోయారు. భారత వ్యతిరేక కార్యకలాపాల ఆరోపణలపై భారత అధికారులు ఆమె OCIని రద్దు చేశారని ఆమె స్వయంగా పేర్కొన్నారు. భారత ప్రభుత్వం నుండి అందిన సమాచారం వివరాలను నితాషా కౌల్ (Nitasha Kaul) ఆదివారం సోషల్ మీడియాలో పోస్ట్ చేశారు. ఇది దుర్మార్గం, వాస్తవాలు లేదా చరిత్రను పూర్తిగా విస్మరించి తనపై ఈ చర్యలు తీసుకున్నారని ఆమె ఆరోపించారు. లండన్లోని వెస్ట్మినిస్టర్ యూనివర్సిటీలో పొలిటిక్స్ మరియు అంతర్జాతీయ సంబంధాలు బోధించే ప్రొఫెసర్. బ్రిటిష్ పౌరురాలు, కాశ్మీరీ మూలాలు ఉన్నవారు. డెమోక్రసీ, మైనారిటీ హక్కులు, భారత ప్రభుత్వ విధానాలపై విమర్శాత్మకంగా పరిశోధనలు చేస్తూ ఉంటారు.
భారత నిబంధనల ప్రకారం OCI రద్దు చేయగల కారణాలు
బెంగళూరులో ఓ సమావేశానికి హాజరు కావడానికి ఇండియాకు రాకుండా తనను అడ్డుకున్నారంటూ కూడా నితాషా (Nitasha Kaul) పేర్కొన్నారు. ఇలాంటి చర్యలతో దేశంలో ఉండేవారు ప్రశ్నించడానికి ధైర్యం చేయకుండా, దేశం బయటి నుంచి చూసే వారికి కూడా ఆ ధైర్యం లేకుండా చేస్తున్నారంటూ ఆమె విమర్శించారు. లండన్లోని భారత హైకమిషన్ నిర్దేశించిన OCI నిబంధనల ప్రకారం.. భారత ప్రభుత్వం ఏ వ్యక్తి OCI రిజిస్ట్రేషన్ను అయినా కొన్ని నిర్దిష్ట కారణాల వల్ల రద్దు చేయవచ్చు.
నితాషా కౌల్ స్పందన – తీవ్ర విమర్శలు
భారత ప్రభుత్వం నుండి అందిన పౌరసత్వ రద్దు పత్రం సారాంశం ఏంటంటే.. కౌల్ భారతదేశ సార్వభౌమాధికార విషయాలపై భారతదేశం, దాని సంస్థలను లక్ష్యంగా చేసుకుని వివిధ అంతర్జాతీయ వేదికలలో, సోషల్ మీడియా ప్లాట్ఫామ్లలో అనేక శత్రు రచనలు ప్రసంగాలు, పాత్రికేయ కార్యకలాపాలకు పాల్పడ్డాడని ఆరోపణలు ఉన్నాయి. వెస్ట్మినిస్టర్ విశ్వవిద్యాలయంలోని సెంటర్ ఫర్ ది స్టడీ ఆఫ్ డెమోక్రసీ డైరెక్టర్ నితాషా కౌల్ (Nitasha Kaul) తన OCI రద్దును దుష్ట విశ్వాసం, ప్రతీకారపూరితమైన, క్రూరమైన అంతర్జాతీయ అణచివేతకు ఉదాహరణ అని ఖండించారు. మైనారిటీ వ్యతిరేక, ప్రజాస్వామ్య వ్యతిరేక విధానాలపై పండిత కృషి చేసినందుకు తానకు ఈ ఫలితం దక్కిందని అన్నారు.భారత ప్రభుత్వం యొక్క అంతర్గత సార్వభౌమ అధికారాలు వాడిన సందర్భం. విదేశీ విమర్శకులు, పరిశోధకులు స్వేచ్ఛాపరమైన వ్యాఖ్యలకు దృష్టిని సారించాల్సిన పరిస్థితి. ఇది భారతదేశంలో విపక్ష స్వరం ఉన్నవారిపై పెరుగుతున్న ఆంక్షల సంకేతంగా పరిగణిస్తున్నారు.
Read Also: Jyothi Malhotra: సమాచారం లీక్ చేసినందుకు జ్యోతి మల్హోత్రాకి ఎంత ఇచ్చారంటే..?