వెనిజులా ప్రజలకు మద్దతుగా నిలిచిన అమెరికా అధ్యక్షుడు డోనాల్డ్ ట్రంప్కి నోబెల్ శాంతి బహుమతి అంకితం చేస్తున్నట్లు ప్రముఖ ఉద్యమకారిణి మరియా కొరినా మచాడో (Maria Machado) ప్రకటించడం అంతర్జాతీయ రాజకీయ వర్గాల్లో చర్చనీయాంశంగా మారింది. తమ దేశంలో ప్రజాస్వామ్య పునరుద్ధరణ కోసం నిరంతరం పోరాడుతున్నందుకు ఈ బహుమతి అంకితం చేస్తున్నట్లు ఆమె పేర్కొన్నారు. ట్రంప్ వంటి నాయకులు వెనిజులా ప్రజల స్వేచ్ఛా ఉద్యమానికి బలమైన నైతిక మద్దతు ఇచ్చారని, అణచివేత పాలనకు వ్యతిరేకంగా అమెరికా వంటి దేశాల సహకారం ఎంతో కీలకమని ఆమె వివరించారు.
Latest News: Rishi Sunak: మైక్రోసాఫ్ట్ సలహాదారుగా రిషి సునాక్
మరియా మచాడో మాట్లాడుతూ.. తమ దేశ ప్రజలు ఆర్థిక సంక్షోభం, రాజకీయ నిర్బంధం, ప్రజాస్వామ్య హక్కుల హరణతో పోరాటం కొనసాగిస్తున్నారని, ఈ సమయంలో ప్రపంచ ప్రజాస్వామ్య దేశాలు చూపిన ఐక్యత తమకు ధైర్యం ఇచ్చిందని తెలిపారు. వెనిజులా ప్రజల స్వేచ్ఛా ఉద్యమం కేవలం స్థానిక పోరాటం కాదని, ఇది మొత్తం లాటిన్ అమెరికా ప్రజాస్వామ్య భవిష్యత్తుకు మార్గదర్శకం అవుతుందని ఆమె పేర్కొన్నారు. ట్రంప్ మాత్రమే కాదు, తమ స్వేచ్ఛ కోసం నిరంతరం పోరాడుతున్న ప్రతి పౌరుడు ఈ గౌరవానికి అర్హుడేనని ఆమె అన్నారు.
చివరిగా, నోబెల్ శాంతి బహుమతి ప్రకటన తమ ఉద్యమానికి మరింత ఉత్సాహం, అంతర్జాతీయ గుర్తింపు తెచ్చిందని మచాడో స్పష్టం చేశారు. ఈ గౌరవం వెనిజులా ప్రజల త్యాగానికి ప్రతీకగా నిలుస్తుందని, ప్రజాస్వామ్య విలువలను కాపాడే ప్రతి దేశానికి ఇది ఒక సందేశమని ఆమె అన్నారు. ప్రపంచ దేశాలు కలిసి నియంతృక పాలనలపై పోరాడి, ప్రజల స్వరాన్ని బలపరచాలన్నదే ఈ బహుమతి యొక్క నిజమైన అర్థమని మచాడో పేర్కొంది.
Read hindi news: https://hindi.vaartha.com
Epaper : https://epaper.vaartha.com/
