మధ్యప్రాచ్యంలో ఇరాన్-అమెరికా-ఇజ్రాయెల్ మధ్య జరుగుతున్న యుద్ధం నాలుగో వారంలోకి ప్రవేశించింది. ఈ క్రమంలో ఇరాన్లోని అత్యంత కీలకమైన నతాంజ్ అణు కేంద్రం(Natanz nuclear)పై మరోసారి వైమానిక దాడులు జరగడం కలకలం రేపుతోంది. శనివారం తెల్లవారుజామున ఇరాన్లోని ప్రధాన అణు సుసంపన్నత కేంద్రమైన నతాంజ్పై వైమానిక దాడులు జరిగినట్లు ఇరాన్ అధికారిక వార్తా సంస్థ ‘మిజాన్’ ధృవీకరించింది. ఈ దాడిలో కొన్ని భవనాలు దెబ్బతిన్నట్లు ఉపగ్రహ చిత్రాలు చూపుతున్నాయి. అయితే, ఎలాంటి రేడియేషన్ లీకేజీ జరగలేదని ఇరాన్ ప్రకటించింది. టెహ్రాన్కు 220 కిలోమీటర్ల దూరంలో ఉన్న ఈ కేంద్రంపై గతంలో 2025 జూన్లో కూడా దాడులు జరిగాయి.
Read Also: US AI Policy: కొత్త ఏఐ పాలసీ తో భారత్ కు తిప్పలేనా ?
అమెరికా విరుద్ధ ప్రకటనలు – ట్రంప్ వ్యూహం
అమెరికా అధ్యక్షుడు డొనాల్డ్ ట్రంప్ నుండి ఈ యుద్ధంపై పరస్పర విరుద్ధమైన సంకేతాలు వెలువడుతున్నాయి. మధ్యప్రాచ్యంలో సైనిక కార్యకలాపాలను తగ్గించుకోవాలని (Winding Down) భావిస్తున్నట్లు ట్రంప్ సోషల్ మీడియాలో పేర్కొన్నారు. ఒకవైపు తగ్గింపు మాటలు చెబుతూనే, మరోవైపు 2,500 మంది మెరైన్లను, మూడు ఉభయచర దాడి నౌకలను అమెరికా ఈ ప్రాంతానికి పంపుతోంది. ఇప్పటికే అక్కడ 50,000 మందికి పైగా అమెరికా సైనికులు మోహరించి ఉన్నారు. యుద్ధం తీవ్రతరం కావడంతో ఇరాన్ సైన్యం ప్రపంచవ్యాప్త హెచ్చరికలు జారీ చేసింది. పర్యాటక ప్రాంతాలే లక్ష్యం: శత్రు దేశాలకు చెందిన వినోద, పర్యాటక ప్రదేశాలపై దాడులు చేస్తామని జనరల్ అబోల్ఫజల్ షెకార్చి హెచ్చరించారు. చమురు ధరలు ఆకాశాన్నంటుతుండటంతో అమెరికా స్టాక్ మార్కెట్ కుప్పకూలింది. దీనిని అదుపు చేయడానికి సముద్రంలో నిల్వ ఉన్న ఇరాన్ చమురుపై ట్రంప్ తాత్కాలికంగా ఆంక్షలు ఎత్తివేశారు.
ఇరాన్ అంతర్గత పరిస్థితి
పర్షియన్ నూతన సంవత్సరం (నౌరూజ్) వేళ ఇరాన్ తీవ్ర సంక్షోభంలో ఉంది. అయతోల్లా అలీ ఖమేనీ మరణం తర్వాత బాధ్యతలు చేపట్టిన ఆయన కుమారుడు మొజ్తబా ఖమేనీ, ప్రజల స్థిరత్వాన్ని ప్రశంసించారు. అయితే యుద్ధం కారణంగా ఇరాన్ అణు, సైనిక సామర్థ్యం ఎంతవరకు దెబ్బతిన్నదనే దానిపై స్పష్టమైన సమాచారం బయటకు రావడం లేదు.
Read Also hindi news: hindi.vaartha.com
Read Also Epaper : epaper.vaartha.com
Read Also :
