మెలానియా ట్రంప్ జీవితం ఆధారంగా తెరకెక్కిన డాక్యుమెంటరీ ‘మెలానియా’.ఈ డాక్యుమెంటరీ జనవరి 30 నుంచి ప్రపంచవ్యాప్తంగా థియేటర్లలో ప్రదర్శించబడుతున్న తరుణంలో, వాషింగ్టన్ డీసీలోని ప్రతిష్టాత్మక కెన్నడీ సెంటర్ లో ఈ డాక్యూమెంటరీ ప్రీమియర్ను ప్రదర్శించబోతున్నారు. ఈ డాక్యుమెంటరీ ప్రీమియర్ కు ప్రముఖ సంగీత దర్శకుడు ఏఆర్ రెహమాన్ (AR Rahman) హాజరుకానున్నారు. హాలీవుడ్ ప్రముఖులతో పాటు ఆయన దీన్ని వీక్షించనున్నారు.
Read Also: Actress: పేరు మార్చుకోనున్న సమంత?
ప్రముఖులు పాల్గొనన్నునారు
అంతర్జాతీయ స్థాయిలో రెహమాన్ కు ఉన్న విశేష గుర్తింపు నేపథ్యంలో ఆయనను ఈ వేడుకకు ఆహ్వానించినట్లు తెలుస్తోంది..ప్రముఖ దర్శకుడు బ్రెట్ రాట్నర్ తెరకెక్కించిన ఈ డాక్యుమెంటరీలో మెలానియా ట్రంప్ వ్యక్తిగత జీవితం, ఆమె ఎదుర్కొన్న సవాళ్లు,వైట్ హౌస్లో గడిపిన కీలక ఘట్టాలను చూపించబోతున్నారు. ముఖ్యంగా డొనాల్డ్ ట్రంప్ రెండోసారి అధ్యక్షుడిగా బాధ్యతలు చేపట్టడానికి ముందు జరిగిన 20 రోజుల పరిణామాలను ఇందులో ప్రధానంగా పొందుపరిచారు.
ఈ ప్రత్యేక ప్రదర్శనలో రెహమాన్తో పాటు ఫిఫా అధ్యక్షుడు జియానీ ఇన్ఫాంటినో, అమెరికా సెకండ్ లేడీ ఉషా వాన్స్, ట్రంప్ కేబినెట్ సభ్యులు, హాలీవుడ్ సెలబ్రిటీలు పాల్గొనబోతున్నారు. అమేజాన్ ఎంజీఎం స్టూడియోస్ సుమారు 40 మిలియన్ డాలర్ల భారీ వ్యయంతో ఈ చిత్రాన్ని నిర్మించడం విశేషం.
Read hindi news: hindi.vaartha.com
Epaper: epaper.vaartha.com
Read Also: