Lionel Messi India Tour: ఫుట్బాల్ ప్రపంచంలో అపురూపమైన తారగా ప్రసిద్ధి గాంచిన అర్జెంటీనా కెప్టెన్ లియోనెల్ మెస్సీ (Messi) భారతదేశానికి పర్యటనకు వస్తున్నారు. భారతీయ అభిమానులు ఇప్పుడు ఒక అరుదైన అవకాశాన్ని ఎదుర్కోవడానికి సిద్ధంగా ఉన్నారు. మెస్సీ ఇండియా టూర్ లో భాగంగా, ఫుట్బాల్ లెజెండ్ను ప్రత్యక్షంగా చూడటం, మాట్లాడటం, చివరికి ఫోటో తీసుకోవడం సాధ్యం అవుతుంది. అయితే, ఈ ప్రత్యేక ఫోటో-ఆప్ కోసం అభిమానులు ₹9.95 లక్షలు (ప్లస్ జీఎస్టి) చెల్లించాలి. ఈ అత్యంత ప్రత్యేక అవకాశం కోసం కేవలం 100 స్లాట్లు మాత్రమే అందుబాటులో ఉన్నాయి.
హైదరాబాద్లో ప్రత్యేక కార్యక్రమాలు
మెస్సీ ఈ పర్యటనలో భాగంగా హైదరాబాద్ను ప్రధాన వేదికగా ఎంచుకున్నారు. డిసెంబర్ 13 శనివారం ఆయన నగరానికి చేరవుతున్నారు. ముందుగా ఫలక్నుమా ప్యాలెస్(Falaknuma Palace)లో ఎంపిక చేసిన 100 మంది అభిమానులు మెస్సీతో ప్రీమియం ఫోటో-ఆప్లో పాల్గొనగలుగుతారు. ఆ తర్వాత ఉప్పల్ స్టేడియంలో మూడు గంటల బహిరంగ కార్యక్రమం ఉంటుంది.
మెస్సీ సాయంత్రం 4 గంటలకు హైదరాబాద్లో అడుగు పెట్టి, 7 గంటలకు స్టేడియం ఈవెంట్లో పాల్గొంటారు. ఈ పర్యటనలో అతని తోడుగా అర్జెంటీనా స్టార్ రోడ్రిగో డి పాల్ మరియు ఉరుగ్వే స్ట్రైకర్ లూయిస్ సువారెజ్ కూడా ఉంటారు.
అలాగే, మెస్సీ సింగరేణి RR-9 మరియు అపర్ణ మెస్సీ ఆల్ స్టార్స్ మధ్య జరగనున్న 20 నిమిషాల ఫుట్బాల్ మ్యాచ్లో పాల్గొంటారు. చివరి ఐదు నిమిషాల్లో తెలంగాణ ముఖ్యమంత్రి రేవంత్ రెడ్డి (Revanth Reddy) కూడా ఆడనున్నారు.
అతని పర్యటనలో చిన్నారులకు ఫుట్బాల్ క్లినిక్ ద్వారా శిక్షణ ఇవ్వడం జరుగుతుంది. అనంతరం, ముఖ్యమంత్రి రేవంత్ రెడ్డి చేతుల మీదుగా మెస్సీకి సన్మానం ఇవ్వనున్నారు. ఈ కార్యక్రమానికి సంబంధించిన టికెట్లు ‘డిస్ట్రిక్ట్ యాప్’ ద్వారా లభ్యమవుతున్నాయి.
Read hindi news: hindi.vaartha.com
Epaper : epaper.vaartha.com
Read Also: