రష్యా–ఉక్రెయిన్ యుద్ధం ప్రపంచాన్ని కుదిపేస్తున్న విషయం అందరికీ తెలిసిందే. రెండు దేశాల మధ్య సైనిక ఘర్షణలు కొనసాగుతుండగా, వేలాది ప్రాణాలు బలయ్యాయి. ముఖ్యంగా అమాయక చిన్నారులు, మహిళలు, వృద్ధులు యుద్ధ బారిన పడుతూ ప్రాణాలు కోల్పోతున్నారు. ఈ నేపథ్యంలో అమెరికా ఫస్ట్ లేడీ మెలానియా ట్రంప్ (Melania Trump) చేసిన విజ్ఞప్తి ఇప్పుడు అంతర్జాతీయంగా చర్చనీయాంశమైంది.రష్యా, ఉక్రెయిన్ మధ్య జరుగుతున్న యుద్ధాన్ని నిలవరించాలంటూ అమెరికా ఫస్ట్ లేడీ మెలానియా ట్రంప్ పుతిన్ కు ఓ లేఖ రాశారు. అలస్కాలో జరిగిన భేటీలో డొనాల్డ్ ట్రంప్ తన భార్య రాసిన లేఖను పుతిన్ (Putin) కు అందజేసినట్లు సమాచారం. ఈ లేఖలో ఉక్రెయిన్ పేరును ప్రస్తావించనప్పటికీ.. అక్కడ ప్రాణాలు కోల్పోతున్న చిన్నారులపై మెలానియా ఆందోళన వ్యక్తం చేశారు.
రాజకీయ భావజాలాలకు
అమాయక పిల్లల చిరునవ్వులను మీరు మాత్రమే కాపాడగలరని పుతిన్ కు విజ్ఞప్తి చేశారు.యుద్ధాన్ని ఆపేయడానికి భావితరాల భవిష్యత్తు కలలను పరిగణనలోకి తీసుకోవాలని ఆమె కోరారు. భౌగోళిక సరిహద్దులు, రాజకీయ భావజాలాలకు పిల్లలు అతీతమని చెప్పారు. జన్మించిన ప్రాంతం కారణంగా చిరునవ్వును కోల్పోయి భయాందోళనల మధ్య జీవించాల్సి రావడం సరికాదన్నారు. యుద్ధంలో చిక్కుకున్న పిల్లల నవ్వును ఒంటరిగా పునరుద్ధరించాలని పుతిన్ను కోరారు. పిల్లల అమాయకత్వాన్ని కాపాడటం రష్యాకు సేవ చేయడం కంటే చాలా ఎక్కువేనని మెలానియా ట్రంప్ తెలిపారు.
మెలానియా ట్రంప్ అసలు పేరు ఏమిటి?
మెలానియా ట్రంప్ అసలు పేరు మెలానిజా క్నావ్స్ (Melanija Knavs). ఆమె స్లోవేనియాలో జన్మించారు.
మెలానియా ట్రంప్ వృత్తి ఏమిటి?
మెలానియా ఒక మాజీ మోడల్. తర్వాత అమెరికా పౌరసత్వం పొందిన ఆమె ఫస్ట్ లేడీగా సామాజిక సేవా కార్యక్రమాల్లో చురుకుగా పాల్గొన్నారు.
Read hindi news: hindi.vaartha.com
Read also: