పాకిస్థాన్ రక్షణ మంత్రి ఖ్వాజా ఆసిఫ్ మరోసారి తన వివాదాస్పద వ్యాఖ్యలతో వార్తల్లో నిలిచారు. అమెరికా రాజకీయ నాయకులు ఇజ్రాయెల్ నుంచి బహిరంగంగా లంచాలు స్వీకరిస్తారు అని ఆరోపిస్తూ, తాను చేయాల్సి వస్తే మాత్రం రహస్యంగా తీసుకుంటానని వ్యాఖ్యానించారు. ఈ మాటలు అంతర్జాతీయ స్థాయిలో తీవ్ర చర్చకు దారితీశాయి.
ఓ స్థానిక టీవీ ఛానల్లో ఇంటర్వ్యూలో మాట్లాడిన ఆసిఫ్, అమెరికా రాజకీయ నాయకులు మరియు చట్టసభ సభ్యులు ఇజ్రాయెల్ నుంచి లాబీయింగ్ గ్రూపుల పేరుతో ఆర్థిక సహాయం అందుకుంటున్నారు అని అన్నారు. పాకిస్థాన్పై అవినీతి ఆరోపణలు చేస్తూనే, అమెరికాలో ఈ విధానాలు రాజకీయ నిధుల పేరుతో చట్టబద్ధం చేశారని ఆయన విమర్శించారు.
ఇస్లామిక్ దేశాల రక్షణ కూటమి ప్రతిపాదన
ఇదే సందర్భంలో ఆసిఫ్, ఇస్లామిక్ దేశాలు కలిసి నాటో తరహా రక్షణ కూటమి ఏర్పాటు చేయాలి అని సూచించారు. గాజాపై ఇజ్రాయెల్ దాడులు పెరుగుతున్న సమయంలో, అమెరికా టెల్ అవీవ్కు మద్దతు ఇస్తుండటం పై ఆయన అసంతృప్తి వ్యక్తం చేశారు.
ఇది ఖ్వాజా ఆసిఫ్ మొదటి వివాదం కాదు. గతంలో కూడా ఆయన పాకిస్థాన్ సీనియర్ దౌత్యవేత్తలలో చాలామంది విదేశాలకు అక్రమంగా నిధులు(Illegal funds) పంపుతున్నారు అని ఆరోపించారు. అధికారులు విదేశాల్లో ఆస్తులు, పౌరసత్వాలు సంపాదిస్తుంటే, రాజకీయ నాయకులకు ఎన్నికల్లో పోటీ చేయాల్సి రావడం వల్ల “మిగిలినవి” మాత్రమే దక్కుతాయని ఆయన వ్యాఖ్యానించడం పెద్ద దుమారానికి దారితీసింది.
ఖ్వాజా ఆసిఫ్ ఏమి ఆరోపించారు?
అమెరికా రాజకీయ నాయకులు ఇజ్రాయెల్ నుంచి బహిరంగంగా లంచాలు స్వీకరిస్తారని అన్నారు.
ఆయన వ్యాఖ్యలు ఎక్కడ చేశారు?
ఓ స్థానిక టీవీ చానల్లో ఇంటర్వ్యూలో ఈ వ్యాఖ్యలు చేశారు.
Read hindi news: hindi.vaartha.com
Read Also: