Bangladesh Hindu protest London : బంగ్లాదేశ్లో హిందూ యువకుడు దీపు చంద్ర దాస్ లించింగ్ ఘటనకు వ్యతిరేకంగా లండన్లోని బంగ్లాదేశ్ హైకమిషన్ ఎదుట నిర్వహించిన శాంతియుత నిరసనకు అంతరాయం కలిగింది. బంగ్లాదేశ్ హిందూ అసోసియేషన్తో పాటు భారతీయులు ఈ నిరసనను నిర్వహించగా, అక్కడికి అకస్మాత్తుగా వచ్చిన ఖలిస్తానీ అనుబంధ గుంపులు ఆందోళనను భగ్నం చేశాయి. ఈ ఘటనలో కొద్దిసేపు ఉద్రిక్తత నెలకొనగా, మాటల తూటాలు, తోపులాట చోటుచేసుకున్నట్లు సమాచారం.
వివరాల ప్రకారం, నిరసన జరుగుతున్న అదే సమయం, అదే ప్రాంతంలో ఖలిస్తానీ తీవ్రవాద గుంపులు ప్రత్యక్షమవడం ముందస్తు ప్రణాళికతోనే జరిగిందని వర్గాలు పేర్కొంటున్నాయి. బంగ్లాదేశ్లో మైనారిటీ హక్కుల కోసం జరుగుతున్న నిరసనలో వీరి జోక్యం ఉండటం వెనుక బాహ్య శక్తుల హస్తం ఉన్నట్లు సంకేతాలు కనిపిస్తున్నాయని విశ్లేషకులు అంటున్నారు.
Read Also: Charlapalli: అమృత్ భారత్ పథకంలో భాగంగా చర్లపల్లిలో ఆధునిక వసతులు
ఈ పరిణామాల వెనుక పాకిస్థాన్ ఐఎస్ఐ (ISI) పాత్ర ఉందనే (Bangladesh Hindu protest London) అనుమానాలు బలపడుతున్నాయి. యువతను మతపరంగా రెచ్చగొట్టడం, తీవ్రవాద భావజాలాన్ని వ్యాప్తి చేయడం కోసం జమాత్-ఎ-ఇస్లామీ, ఇంకిలాబ్ మంచా వంటి సంస్థల ద్వారా ఐఎస్ఐ వ్యూహాత్మకంగా పనిచేస్తోందని వర్గాలు చెబుతున్నాయి. బంగ్లాదేశ్లో జరుగుతున్న అంతర్గత అశాంతిని అంతర్జాతీయంగా వేరే దిశగా మలచే ప్రయత్నం ఇందులో భాగమని ఆరోపణలు ఉన్నాయి.
ఖలిస్తానీ గుంపులకు బంగ్లాదేశ్లోని మత ఘర్షణలతో ప్రత్యక్ష సంబంధం లేకపోయినా, వారు నిరసనలను అడ్డుకోవడం, భయభ్రాంతులకు గురి చేయడం, కథనాన్ని మళ్లించడం వంటి చర్యలు చేపడుతున్నారని సమాచారం. దీని ద్వారా బంగ్లాదేశ్లో హిందువులపై జరుగుతున్న దాడులు అంతర్జాతీయంగా చర్చకు రావకుండా అడ్డుకోవాలన్నదే లక్ష్యమని వర్గాలు పేర్కొంటున్నాయి.
బంగ్లాదేశ్ లోపల ఇస్లామిస్టు గుంపుల ద్వారా భారత వ్యతిరేక భావజాలాన్ని పెంపొందించడం, బయట దేశాల్లో ఖలిస్తానీ ప్రాక్సీలను ఉపయోగించి హిందూ, భారత్కు అనుకూలంగా మాట్లాడే స్వరాలను అణచివేయడం—ఇదే ఐఎస్ఐ ద్వంద్వ వ్యూహమని వర్గాలు స్పష్టం చేస్తున్నాయి. ఇటీవలి ఘటనలో అసలు లక్ష్యం నిరసనకారులు కాదు, హిందూ హత్యలపై ప్రపంచ దృష్టిని మళ్లించడమేనని విశ్లేషకులు అభిప్రాయపడుతున్నారు.
Read hindi news: hindi.vaartha.com
Epaper : epaper.vaartha.com
Read Also: