Epstein email scandal : Jeffrey Epstein కేసుకు సంబంధించిన కొత్త పత్రాలు, ఈమెయిల్స్ వెలుగులోకి రావడంతో అమెరికాలో మరోసారి సంచలనం రేగింది. మైనర్ల అక్రమ రవాణా, లైంగిక నేరాల కేసుల్లో శిక్ష అనుభవించిన తర్వాత కూడా ఎప్స్టీన్తో కొందరు ప్రముఖులు సాన్నిహిత్యం కొనసాగించినట్లు బయటపడుతోంది.
అమెరికా న్యాయశాఖ విడుదల చేసిన రికార్డుల ప్రకారం, 2010లో అతడి పరిచయ వర్గానికి చెందిన ఓ మహిళ తన ఇంటికి రావాలని ఆహ్వానిస్తూ ఈమెయిల్ పంపింది. ఆ సమయంలో ఆమె 15 ఏళ్ల కూతురు మరియు ఆమె స్నేహితులు ఇంట్లో ఉంటారని పేర్కొనడం తీవ్ర చర్చనీయాంశమైంది. ఇప్పటికే లైంగిక నేరాల ఆరోపణలు ఎదుర్కొన్న వ్యక్తిని టీనేజ్ బాలికలు ఉన్న ప్రదేశానికి పిలవడం పై విమర్శలు వెల్లువెత్తుతున్నాయి.
Read Also: AP: కొత్త రైల్వే లైన్ కి రూ. 713.33 కోట్లు మంజూరు
ఇంకా కొన్ని పత్రాల్లో, ఎప్స్టీన్ను కుటుంబ సభ్యులు ‘అంకుల్’ అని పిలిచేవారని, అతనితో పిల్లలు గడపడానికి అనుమతించినట్లు సమాచారం వెలుగులోకి వచ్చింది. అయితే, తమకు అతడి అక్రమ కార్యకలాపాలపై ఎలాంటి సమాచారం లేదని సంబంధిత వ్యక్తులు స్పష్టం చేస్తున్నారు. తెలిసి ఉంటే ఎప్పటికీ అతనితో సంబంధాలు కొనసాగించేవారమని చెబుతున్నారు.
ఈ కొత్త ఆధారాలు ఎప్స్టీన్ కేసులో ప్రముఖుల పాత్రపై మరిన్ని అనుమానాలు రేకెత్తిస్తున్నాయి. విచారణ కొనసాగుతుండగా, భవిష్యత్తులో మరిన్ని సంచలన వివరాలు బయటపడే అవకాశం ఉందని విశ్లేషకులు అభిప్రాయపడుతున్నారు.
Read hindi news: hindi.vaartha.com
Read Also Epaper : epaper.vaartha.com
Read Also: