Netanyahu death rumours : ఇజ్రాయెల్ ప్రధాని బెంజమిన్ నెతన్యాహూ మరణించారనే వార్తలు సోషల్ మీడియాలో వైరల్ అవుతున్న నేపథ్యంలో ఇరాన్ సంచలన వ్యాఖ్యలు చేసింది. ఒకవేళ నెతన్యాహూ ఇంకా బతికే ఉంటే వేటాడి మరీ చంపుతామని ఇరాన్ రివల్యూషనరీ గార్డ్స్ హెచ్చరించడం ప్రస్తుతం అంతర్జాతీయంగా చర్చనీయాంశంగా మారింది.
గత కొన్ని రోజులుగా నెతన్యాహూ బహిరంగంగా కనిపించకపోవడంతో ఆయన మరణించారనే పుకార్లు సోషల్ మీడియాలో విస్తరించాయి. ముఖ్యంగా ఇరాన్ ప్రయోగించిన క్షిపణి దాడుల్లో ఆయన కార్యాలయం లేదా నివాసం దెబ్బతిన్నట్లు కొన్ని మీడియా సంస్థలు ప్రచారం చేశాయి.
అంతేకాకుండా నెతన్యాహూ అధికారిక ఎక్స్ ఖాతాలో వచ్చిన ఒక వీడియోపై కూడా అనుమానాలు వ్యక్తమయ్యాయి. ఆ వీడియోలో ఆయన వేళ్లు అసాధారణంగా కనిపిస్తున్నాయని, అది ఆర్టిఫిషియల్ ఇంటెలిజెన్స్తో రూపొందించిన వీడియో కావచ్చని కొందరు నెటిజన్లు పేర్కొన్నారు.
Read also: Srikalahasti Temple: శివయ్య ప్రసాదాల తయారీకి ‘గ్యాస్ సెగ’
ఈ పుకార్ల మధ్య ఇరాన్ సైనిక విభాగమైన రివల్యూషనరీ గార్డ్స్ ఒక ప్రకటన విడుదల చేసింది. చిన్న పిల్లలను హత్య చేసిన నేరస్తుడిని వదిలిపెట్టబోమని, అతను బతికే ఉంటే పూర్తిస్థాయిలో వెంబడించి అంతం చేస్తామని హెచ్చరించింది.
ఇజ్రాయెల్ ప్రస్తుతం తీవ్రమైన సంక్షోభంలో ఉందని, ఆ దేశ నాయకత్వం ప్రాణభయంతో తలదాచుకుంటోందని కూడా ఇరాన్ విమర్శించింది.
అయితే ఈ వార్తలన్నీ అవాస్తవమని ఇజ్రాయెల్ ప్రభుత్వం స్పష్టం చేసింది. నెతన్యాహూ సురక్షితంగా ఉన్నారని, ఆయన తన విధుల్లోనే కొనసాగుతున్నారని అధికారిక ప్రకటనలో తెలిపింది.
ఇటీవల ఆయన భద్రతా సమావేశంలో పాల్గొన్న ఫోటోలను కూడా విడుదల చేసి పుకార్లను ఖండించింది.
Read hindi news: hindi.vaartha.com
Epaper: epaper.vaartha.com
Read Also: