అగ్రరాజ్యం అమెరికా మరియు ఇరాన్ మధ్య నెలకొన్న తీవ్ర ఉద్రిక్తతలు క్రమంగా తగ్గుతున్నట్లు సంకేతాలు కనిపిస్తున్నాయి. ఇటీవల ప్రపంచాన్ని కలవరపెట్టిన యుద్ధ భయాలకు తెరపడే పరిస్థితులు ఏర్పడుతున్నాయనే అభిప్రాయం వినిపిస్తోంది. అమెరికా(Iran NuclearIssue) అధ్యక్షుడు డొనాల్డ్ ట్రంప్, ఇరాన్ అగ్ర నేతల తాజా వ్యాఖ్యలు దౌత్యపరమైన చర్చల దిశగా ఇరు దేశాలు కదులుతున్నట్లు స్పష్టం చేస్తున్నాయి.
Read Also:Global GDP: అమెరికాకు ఎలాన్ మస్క్ షాక్!
ట్రంప్ వ్యాఖ్యలు: చర్చలు కొనసాగుతున్నాయి
ఫాక్స్ న్యూస్కు ఇచ్చిన ఇంటర్వ్యూలో అధ్యక్షుడు ట్రంప్ మాట్లాడుతూ, “ఇరాన్ మాతో సంప్రదింపులు చేస్తోంది. చర్చలు సాగుతున్నాయి, అయితే తుది ఫలితం ఎలా ఉంటుందో ఇప్పుడే చెప్పలేం” అని అన్నారు. ఒకవైపు ఇరాన్ వైపు అమెరికా యుద్ధ నౌకలు కదులుతున్నాయనే హెచ్చరికలు చేస్తూనే, మరోవైపు సమావేశాలు, చర్చలకు అవకాశం ఉందని ట్రంప్ స్పష్టం చేశారు.
ఇరాన్ స్పందన: యుద్ధం కాదు, న్యాయమైన చర్చలే కావాలి
ఇరాన్ కూడా యుద్ధాన్ని కోరుకోవడం లేదని వెల్లడించింది. ఇరాన్ సుప్రీం నేషనల్ సెక్యూరిటీ కౌన్సిల్ సెక్రటరీ అలీ లారిజానీ మాట్లాడుతూ, మీడియా ప్రచారానికి భిన్నంగా చర్చల కోసం నిర్మాణాత్మక ఏర్పాట్లు వేగంగా జరుగుతున్నాయని తెలిపారు. ఇరాన్ విదేశాంగ మంత్రి అబ్బాస్ అరఖ్చి మాట్లాడుతూ, చర్చలకు సిద్ధమేనని కానీ అవి న్యాయంగా, గౌరవప్రదంగా ఉండాలని పేర్కొన్నారు. అయితే తమ క్షిపణి వ్యవస్థలు, రక్షణ సామర్థ్యాలపై ఎలాంటి చర్చలకు అవకాశం లేదని ఇరాన్ స్పష్టం చేసింది.
వివాదానికి మూలకారణం ఇదే
ఇరాన్ తన అణు కార్యక్రమాలను పూర్తిగా నిలిపివేసి, అణ్వాయుధాలు లేని కొత్త ఒప్పందంపై సంతకం చేయాలని అమెరికా డిమాండ్(Iran NuclearIssue) చేస్తోంది. అలాగే, ఇరాన్లో జరిగిన నిరసనలపై అణచివేతను ట్రంప్ తీవ్రంగా విమర్శించారు. ఈ అంశాలపై స్పందించకపోతే సైనిక చర్య తప్పదని గతంలో హెచ్చరించారు. ఈ నేపథ్యంలోనే పశ్చిమాసియాలో అమెరికా భారీగా యుద్ధ నౌకలు, విమానాలను మోహరించడంతో ఉద్రిక్తతలు పెరిగాయి.
ప్రపంచ ఆర్థిక వ్యవస్థపై ప్రభావం భయం
యుద్ధం చెలరేగితే అది ఇరు దేశాలకే కాకుండా ప్రపంచ ఆర్థిక వ్యవస్థకు తీవ్ర దెబ్బతగులుతుందని నిపుణులు హెచ్చరిస్తున్నారు. ఈ పరిస్థితుల నేపథ్యంలోనే అమెరికా, ఇరాన్ దేశాలు యుద్ధం కాకుండా చర్చల ద్వారానే సమస్యకు పరిష్కారం వెతుకుతున్నట్లు విశ్లేషకులు అభిప్రాయపడుతున్నారు. చర్చలు సఫలమైతే, పశ్చిమాసియాలో శాంతి నెలకొనే అవకాశాలు ఉన్నాయని అంటున్నారు.
Read hindi news : hindi.vaartha.com
Epaper : epapervaartha.com
Read Also: