Iran: అమెరికా అధ్యక్షుడు డొనాల్డ్ ట్రంప్ చేసిన వ్యాఖ్యలపై ఇరాన్ ప్రభుత్వం అత్యంత కఠినంగా స్పందించింది. చర్చల ప్రసక్తి లేదని తేల్చిచెప్పడమే కాకుండా, రాబోయే పరిణామాలను ఎదుర్కొనేందుకు సిద్ధమని ప్రకటించింది. ఇరాన్ సుప్రీం నేషనల్ సెక్యూరిటీ కౌన్సిల్ సెక్రటరీ అలీ లరిజానీ మాట్లాడుతూ, ప్రస్తుతం అమెరికాతో సంప్రదింపులు జరిపే ఆలోచన తమకు లేదని స్పష్టం చేశారు. అంతేకాకుండా, తాము సుదీర్ఘ కాలం పాటు కొనసాగే యుద్ధానికి (Long-term war) పూర్తిస్థాయిలో సిద్ధమయ్యామని ఆయన హెచ్చరించారు.
Read Also:Submarine Strike: శ్రీలంక తీరంలో ఇరాన్ నౌకపై సబ్మెరైన్ దాడి: 101 మంది గల్లంతు!
మరోవైపు, ఇరాన్ విదేశాంగ మంత్రి అబ్బాస్ అరఘ్చి అమెరికా వైఖరిపై తీవ్రస్థాయిలో మండిపడ్డారు. ఇరు దేశాల మధ్య దౌత్యపరమైన చర్చలు జరుగుతున్న సమయంలోనే, ట్రంప్ ఎటువంటి ముందస్తు హెచ్చరికలు లేకుండా ద్వేషంతో దాడులకు పాల్పడ్డారని ఆయన ఆరోపించారు. అత్యంత క్లిష్టమైన అణు చర్చలను (Nuclear talks) ట్రంప్ ఒక సాదాసీదా ‘రియల్ ఎస్టేట్ లావాదేవీ’లా పరిగణించారని, అటువంటి వ్యాపార ధోరణి దౌత్య సంబంధాలకు విఘాతమని అరఘ్చి విమర్శించారు.
ట్రంప్ తీసుకున్న ఈ అనాలోచిత నిర్ణయాల వల్ల శాంతి చర్చలు దెబ్బతిన్నాయని, ఇప్పుడు యుద్ధమే అనివార్యమని ఇరాన్ సంకేతాలు పంపుతోంది. వాస్తవాలను పక్కన పెట్టి కేవలం దూకుడుతో వ్యవహరించడం వల్ల అమెరికా స్వయంగా సంక్షోభాన్ని కొనితెచ్చుకుందని ఇరాన్ నేతలు అభిప్రాయపడుతున్నారు. పశ్చిమాసియాలో ముదురుతున్న ఈ ఉద్రిక్తతలు ప్రపంచవ్యాప్తంగా ఆందోళన కలిగిస్తున్నాయి.
Read hindi news: hindi.vaartha.com
Epaper: epaper.vaartha.com
Read Also: