Indian immigrants US : అమెరికాకు వెళ్లే భారతీయుల విషయంలో కలవరపరిచే గణాంకాలు వెలుగులోకి వచ్చాయి. 2025లో యూఎస్ సరిహద్దుల్లో ప్రతి 20 నిమిషాలకు ఒక భారతీయుడిని అరెస్ట్ చేసినట్లు అధికారిక డేటా వెల్లడించింది. సరైన పత్రాలు లేకుండా లేదా అక్రమ మార్గాల్లో దేశంలోకి ప్రవేశించేందుకు ప్రయత్నించిన భారతీయుల సంఖ్య గణనీయంగా ఉందని అధికారులు తెలిపారు.
U.S. Customs and Border Protection విడుదల చేసిన గణాంకాల ప్రకారం, 2025లో మొత్తం 23,830 మంది భారతీయులు అక్రమ ప్రవేశానికి ప్రయత్నిస్తూ పట్టుబడ్డారు. ఈ సంఖ్య ఆందోళనకరంగానే ఉన్నప్పటికీ, గత ఏడాదితో పోలిస్తే తగ్గుదల కనిపిస్తోందని అధికారులు పేర్కొన్నారు. 2024లో దాదాపు 85,000 మంది భారతీయులు అరెస్టు కావడం గమనార్హం.
Read Also: Budget 2026: బడ్జెట్పై గిగ్ వర్కర్ల భారీ ఆశలు!
అమెరికా ప్రభుత్వం కఠినతరం చేసిన వలస విధానాలు, సరిహద్దుల్లో నిఘా పెరగడం, ప్రజల్లో అవగాహన పెరగడం వల్లే ఈ తగ్గుదల వచ్చిందని విశ్లేషకులు చెబుతున్నారు. ఉద్యోగ అవకాశాలు, వీసా సమస్యలు, విద్యార్థి వీసాల్లో జాప్యం వంటి కారణాలతో కొంతమంది ప్రమాదకరమైన అక్రమ మార్గాలను ఎంచుకుంటున్నారని నిపుణులు హెచ్చరిస్తున్నారు. అక్రమంగా ప్రవేశిస్తే అరెస్టు, నిర్బంధం, దేశ బహిష్కరణ వంటి తీవ్రమైన పరిణామాలు తప్పవని యూఎస్ అధికారులు స్పష్టం చేస్తున్నారు.
Read hindi news: hindi.vaartha.com
Epaper: epaper.vaartha.com
Read Also:
