జర్మనీ విమానాశ్రయాల ద్వారా మూడో దేశాలకు ప్రయాణించే భారతీయ(India) పాస్పోర్ట్ హోల్డర్లకు పెద్ద ఊరట లభించింది. ఇకపై వారికి జర్మనీ ట్రాన్సిట్ వీసా అవసరం ఉండదని జర్మన్ ప్రభుత్వం అధికారికంగా ప్రకటించింది. ఈ కీలక నిర్ణయం సోమవారం జర్మనీ ఛాన్సలర్ ఫ్రెడరిక్ మెర్జ్, భారత ప్రధాని నరేంద్ర మోదీ మధ్య జరిగిన ద్వైపాక్షిక భేటీ అనంతరం వెలుగులోకి వచ్చింది.
Read Also: US: పసిడి ప్రియుల కొంపలు ముంచిన ట్రంప్
ఈ మార్పుతో జర్మనీ ఎయిర్పోర్ట్లను ట్రాన్సిట్(Germany Transit Visa)గా ఉపయోగించుకునే భారతీయ ప్రయాణికులు వీసా ప్రక్రియలో ఎదుర్కొనే ఆలస్యం, అదనపు ఖర్చుల నుంచి విముక్తి పొందనున్నారు. ముఖ్యంగా విదేశాల్లో చదువుకునే విద్యార్థులు, అంతర్జాతీయ ఉద్యోగాల కోసం వెళ్లే నిపుణులు, పర్యాటకులకు ఈ నిర్ణయం ఎంతో ప్రయోజనకరంగా మారనుంది.
అయితే, ఈ వీసా మినహాయింపు సదుపాయం పూర్తిగా విమానాశ్రయంలోని అంతర్జాతీయ ట్రాన్సిట్ ప్రాంతంలోనే ఉన్న ప్రయాణికులకు మాత్రమే వర్తిస్తుంది. విమానాశ్రయం బయటకు వెళ్లాల్సిన అవసరం ఉన్నట్లయితే లేదా జర్మనీలో ప్రవేశం చేయాలంటే సంబంధిత వీసా తప్పనిసరిగా ఉండాల్సిందేనని జర్మన్ అధికారులు స్పష్టం చేశారు.
ఈ నిర్ణయం భారత్–జర్మనీ మధ్య పెరుగుతున్న వ్యూహాత్మక భాగస్వామ్యానికి నిదర్శనంగా భావిస్తున్నారు. రానున్న కాలంలో విద్య, వ్యాపారం, పర్యాటకం, నైపుణ్య రంగాల్లో ఇరు దేశాల మధ్య మరింత సహకారం పెరుగుతుందని నిపుణులు అభిప్రాయపడుతున్నారు.
Read hindi news:hindi.vaartha.com
Epaper:epaper.vaartha.com