అమెరికా అధ్యక్షుడు డొనాల్డ్ ట్రంప్ మళ్లీ భారత్-రష్యాల మధ్య వాణిజ్య బంధాన్ని తీవ్రంగా విమర్శించారు. ఇప్పటికే భారతీయ దిగుమతులపై 25 శాతం సుంకాలు విధించిన నేపథ్యంలో, రష్యాతో ఉన్న భారత్ సంబంధాలపై ఆయన తాజాగా సంచలన వ్యాఖ్యలు చేశారు. ఈ సుంకాల నిర్ణయానికి రష్యా (Russia) ప్రధాన కారణమని, భారత్ రష్యా నుంచి పెద్ద ఎత్తున చమురు కొనుగోలు చేయడం వలన అమెరికా ఆర్థిక ప్రయోజనాలు దెబ్బతింటున్నాయని ట్రంప్ మరోసారి స్పష్టం చేశారు.
సోషల్ మీడియా వేదికగా ట్రంప్ కామెంట్లు
ట్రంప్ తన సోషల్ మీడియా వేదికలో పోస్ట్ చేస్తూ, రష్యాతో భారత్ వాణిజ్య ఒప్పందాలు కుదుర్చుకోవడంపై తాను వ్యక్తిగతంగా అభ్యంతరం పెట్టడం లేదని కానీ, అది భారత్ ఆర్థిక వ్యవస్థపై ప్రతికూల ప్రభావం చూపుతుందని అన్నారు. తాము న్యూఢిల్లీతో తక్కువ స్థాయిలో మాత్రమే వ్యాపారం చేస్తున్నప్పటికీ, వాషింగ్టన్-న్యూఢిల్లీ (Washington-New Delhi) మధ్య వాణిజ్య లోటు చాలా ఎక్కువగా ఉందని ఆయన పేర్కొన్నారు.“ప్రపంచంలో అత్యధిక సుంకాలు విధించే దేశాల్లో భారత్ కూడా ఒకటి. అమెరికా తన వాణిజ్య లోటును తగ్గించుకోవడానికి, ఆర్థిక స్థిరత్వాన్ని కాపాడుకోవడానికి తప్పనిసరిగా ఈ సుంకాలు విధించాల్సి వచ్చింది” అని ట్రంప్ తన పోస్ట్లో పేర్కొన్నారు.
రష్యా చమురు దిగుమతులే కారణమా?
రష్యా నుంచి దిగుమతుల కారణంగా యూఎస్ పెనాల్టీలకు గురైన మొదటి దేశం భారతే కాగా, న్యూఢిల్లీతో అమెరికా చాలా తక్కువ వ్యాపారం చేస్తోందని కూడా ట్రంప్ వ్యాఖ్యానించారు. అలాగే భారత్ తమకు మిత్ర దేశమే అయినప్పటికీ.. తమపై భారత్ చాలా పెద్ద ఎత్తున సుంకాలు విధించిందని పునరుద్ఘాటించారు. ప్రపంచ వ్యాప్తంగా అన్ని దేశాలు తమపై విధించే సుంకాల కంటే ఇవి చాలా ఎక్కువని చెప్పారు. అందుకే తాము చాలా ఏళ్లుగా ఇండియాతో తక్కువ వ్యాపారం చేస్తున్నట్లు వెల్లడించారు.అలాగే తాము వాషింగ్టన్తో ఎలాంటి వ్యాపారం చేయడం లేదని తేల్చి చెప్పారు. అంతటితో ఆగకుండా ఆ రష్యా మాజీ అధ్యక్షుడు దమిత్రి మద్వెదేవ్పై తీవ్ర ఆగ్రహం వ్యక్తం చేశారు.
భారత్ రష్యాకు మద్దతు ఇస్తుందా?
అవును, భారత్ రష్యాతో దశాబ్దాలుగా సన్నిహిత సంబంధాలను కొనసాగిస్తోంది. ఇరు దేశాలు వ్యూహాత్మక భాగస్వామ్యాన్ని (Strategic Partnership) కలిగి ఉన్నాయి.
భారత్-రష్యా వ్యూహాత్మక భాగస్వామ్యం అంటే ఏమిటి?
ఇది ఇరు దేశాలు పరస్పరం రక్షణ, ఆర్థిక, సాంకేతిక రంగాల్లో సహకరించే బలమైన ఒప్పందం. అంతర్జాతీయ వేదికలపై కూడా ఒకరినొకరు మద్దతు ఇస్తారు.
Read hindi news : hindi.vaartha.com
Read Also: United Nations: భారతీయులే ప్రపంచంలో అత్యధిక వలసదారులు