బ్రెజిల్లో (Brazil) శనివారం ఉదయం ఘోర ప్రమాదం చోటుచేసుకుంది. పర్యాటకులతో ప్రయాణిస్తున్న హాట్ ఎయిర్ బెలూన్ (Hot Air Balloon) గాలిలో ఉన్నప్పుడే మంటల్లో చిక్కుకుని కూలిపోయింది. ఈ విషాద ఘటనలో 8 మంది అక్కడికక్కడే మృతి చెందారు. మరో 13 మంది తీవ్రంగా గాయపడ్డారు.ఈ ప్రమాదం దక్షిణ బ్రెజిల్లోని శాంటా కాటరినా రాష్ట్రంలోని ప్రయా గ్రాండే నగరంలో జరిగింది. తెల్లవారుజామున 21 మంది ప్రయాణికులతో ఎగిరిన బెలూన్ ఒక్కసారిగా మంటలకెక్కింది. ఆ వెంటనే అది నియంత్రణ కోల్పోయి భూమిపై కూలిపోయింది.బెలూన్ కూలిపోయిన వెంటనే అధికారులు సంఘటనా స్థలానికి చేరుకున్నారు. మంటలను అదుపులోకి తెచ్చేందుకు అగ్నిమాపక సిబ్బంది తీవ్రంగా శ్రమించారు. గాయపడిన వారిని తక్షణమే సమీపంలోని ఆసుపత్రులకు తరలించారు.
ఆరుగురు మహిళలు, ఇద్దరు పురుషులు మృతి
మృతుల్లో ఆరుగురు మహిళలు, ఇద్దరు పురుషులు ఉన్నారు. వారింతా పర్యాటకులే కావడం గమనార్హం. అందరిదీ బ్రెజిల్ దేశానికి చెందిన వారేనని అధికారులు వెల్లడించారు.బెలూన్ ఎందుకు మంటల్లో చిక్కుకుంది? దానికి గల అసలు కారణం ఏమిటి? అనే కోణాల్లో దర్యాప్తు కొనసాగుతోంది. టెక్నికల్ వైఫల్యమా? లేక బేస్ స్టేషన్ దగ్గర గ్యాస్ లీక్ కారణమా అన్నదానిపై స్పష్టత రావాల్సి ఉంది.
పర్యాటక విహారయాత్రలో విషాదం
వారాంతం విశ్రాంతికోసం హాట్ ఎయిర్ బెలూన్ విహారయాత్రకు వెళ్లిన వారు ఇలా ప్రాణాలు కోల్పోవడం కుటుంబ సభ్యులను శోకంలో ముంచేసింది. ఈ దుర్ఘటన ప్రాంతంలోని ప్రజల్లో తీవ్ర ఆవేదన నింపింది.ఈ ఘటనతో హాట్ ఎయిర్ బెలూన్ విహారాల్లో తీసుకోవాల్సిన భద్రతా చర్యలపై చర్చ మొదలైంది. భవిష్యత్తులో ఇలాంటివి మళ్లీ జరగకుండా కఠిన నిబంధనలు అమలు చేయాల్సిన అవసరం కనిపిస్తోంది.
Read Also : Singareni : పవర్ ప్లాంట్ నిర్మాణానికి సింగరేణి శ్రీకారం
