H1B quota : అమెరికా అధ్యక్షుడు డోనాల్డ్ ట్రంప్ వలస విధానాలపై కఠిన వైఖరి అవలంబిస్తున్న సమయంలో, హెచ్-1బీ వీసాలపై కీలక పరిణామం చోటు చేసుకుంది. అమెరికా కాంగ్రెస్ సభ్యుడు, ఇల్లినాయిస్ డెమెక్రాట్ నేత రాజా కృష్ణమూర్తి HIRE Act (High-Skilled Immigration Reform for Employment Act) ను మరోసారి ప్రవేశపెట్టారు.
ఈ బిల్లు ద్వారా ప్రస్తుతం ఉన్న 65,000 హెచ్-1బీ వీసాలను 1,30,000కి పెంచాలని లక్ష్యంగా పెట్టుకున్నారు. ప్రపంచవ్యాప్తంగా ఉన్న అత్యుత్తమ నైపుణ్యం గల ప్రతిభావంతులను అమెరికాకు ఆకర్షిస్తూ, అదే సమయంలో దేశీయ ఉపాధిని బలోపేతం చేయడమే ఈ చట్టం ప్రధాన ఉద్దేశ్యం.
ఈ బిల్లుకు ఐటీ సర్వీసెస్ సంస్థల సంఘమైన ITServe Alliance మద్దతు తెలిపింది. (H1B quota)
“రేపటి ఉద్యోగాలు, పరిశ్రమలను నిర్మించాలంటే అమెరికా ఆవిష్కరణల్లో ముందుండాలి. అందుకోసం దేశీయ వర్క్ఫోర్స్ను బలపరచడమే కాకుండా, ప్రపంచవ్యాప్తంగా ఉన్న ప్రతిభాశీలులను స్వాగతించాలి,” అని రాజా కృష్ణమూర్తి అన్నారు.
HIRE Act ద్వారా ప్రాథమిక, ప్రాథమికోత్తర పాఠశాలల్లో STEM విద్యకు ప్రోత్సాహం లభిస్తుందని, అలాగే హెచ్-1బీ వీసాల సంఖ్యను పెంచడం ద్వారా కంపెనీలు అవసరమైన నైపుణ్యం గల ఉద్యోగులను నియమించుకోవచ్చని ఆయన వివరించారు.
Read also: Maoist Bandh: ఎన్కౌంటర్ తరువాత మావోయిస్టుల హెచ్చరిక
ఇదిలా ఉండగా, ట్రంప్ ప్రభుత్వం హెచ్-1బీ వీసాల విషయంలో “అమెరికన్ ఉద్యోగాలు నష్టపోకుండా చూడటం” తమ లక్ష్యమని స్పష్టం చేసింది. అమెరికన్ల స్థానంలో విదేశీ కార్మికులు రావడాన్ని ట్రంప్ సమర్థించడని వైట్ హౌస్ ప్రతినిధి కరోలైన్ లీవిట్ తెలిపారు.
ఇటీవల ట్రంప్ హెచ్-1బీ వీసాపై ఒక్కసారిగా $100,000 (సుమారు రూ.88 లక్షలు) ఫీజు విధిస్తూ ప్రకటన జారీ చేయడం కలకలం రేపింది. అయితే, తరువాత USCIS దీనిపై స్పష్టత ఇచ్చి – వీసా పొడిగింపు (Extension of Stay) లేదా స్టేటస్ మార్పు (Change of Status) కోరేవారికి ఈ ఫీజు వర్తించదని తెలిపింది.
అలాగే, అమెరికా కార్మిక శాఖ (DOL) Project Firewall పేరుతో హెచ్-1బీ వీసాల దుర్వినియోగంపై దర్యాప్తు ప్రారంభించింది.
USCIS గణాంకాల ప్రకారం ఇటీవల సంవత్సరాల్లో ఆమోదం పొందిన హెచ్-1బీ వీసాల్లో 71% భారతీయులకే కేటాయించబడ్డాయి.
ఇటీవలి సౌదీ ఇన్వెస్ట్మెంట్ కాన్ఫరెన్స్లో ట్రంప్ మాట్లాడుతూ, “అమెరికా ఉద్యోగులను రక్షిస్తాం, కానీ ప్రత్యేక పరిస్థితుల్లో విదేశీ నిపుణుల ద్వారా వారికి శిక్షణ ఇవ్వవచ్చు,” అన్నారు.
Read hindi news:hindi.vaartha.com
Epaper: epaper.vaartha.com/
Read Also: