టెక్ రంగంలోని ప్రముఖ సంస్థ గూగుల్(Google) తన విదేశీ ఉద్యోగులకు కీలక సూచనలు చేసింది. ట్రంప్ (Trump) ప్రభుత్వం అమలు చేస్తున్న కఠిన వీసా నిబంధనల నేపథ్యంలో, కొంతకాలం పాటు అంతర్జాతీయ ప్రయాణాలను తప్పించుకోవాలని ఉద్యోగులకు సూచించినట్లు సమాచారం. ముఖ్యంగా అమెరికాలో హెచ్-1బి తదితర వీసాలపై పనిచేస్తున్న సిబ్బంది ప్రస్తుతం అమెరికా బయటకు వెళ్లవద్దని గూగుల్ స్పష్టం చేసింది. అత్యవసర పరిస్థితుల్లో విదేశాలకు వెళ్లాల్సి వస్తే, తిరిగి అమెరికాలోకి ప్రవేశించేందుకు చాలా ఎక్కువ సమయం పట్టే అవకాశం ఉందని సంస్థ హెచ్చరించింది. కొన్ని సందర్భాల్లో ఇది ఏడాది వరకు కూడా కావచ్చని ఉద్యోగులకు తెలియజేసినట్లు తెలుస్తోంది. ఈ విషయమై గూగుల్ అంతర్గతంగా ఒక మెమో విడుదల చేసినట్లు సమాచారం.
Read also: ECI: SIR ప్రక్రియతో తమిళనాడులో 97 లక్షల ఓట్లు తొలగింపు
భారత్ ప్రయాణంపై ఆందోళన వ్యక్తం
విదేశాల్లోని(Google) అమెరికా రాయబార కార్యాలయాల్లో వీసా స్టాంపింగ్ ప్రక్రియలో ‘తీవ్రమైన’ జాప్యం జరుగుతోందని గూగుల్ పేర్కొంది. దీనివల్ల ఉద్యోగులు తమ స్వదేశాలకు వెళ్లి తిరిగి రావాలనుకుంటే భారీ ఆలస్యం తప్పదని తెలిపింది. ఈ హెచ్చరిక నేపథ్యంలో గూగుల్లో హెచ్-1బి వీసాలపై పనిచేస్తున్న వేలాది మంది భారతీయులు ఇండియాకు రావాలంటే ఆందోళన చెందుతున్నారు. డొనాల్డ్ ట్రంప్ ప్రభుత్వం అనుసరిస్తున్న కఠినమైన ఇమ్మిగ్రేషన్ విధానాలు, వీసా నిబంధనల మార్పుల వల్లే ఈ పరిస్థితి తలెత్తిందని విశ్లేషకులు భావిస్తున్నారు.
Read hindi news: hindi.vaartha.com
Epaper: epaper.vaartha.com
Read also:
