వరల్డ్ గోల్డ్ కౌన్సిల్ (WGC) తాజా నివేదిక ప్రకారం.. భవిష్యత్తులో బంగారం ధరలు తగ్గే అవకాశం ఉందని అంచనా వేసింది. ప్రస్తుత ప్రపంచ రాజకీయ మరియు భౌగోళిక ఉద్రిక్తతలు తగ్గితే, బంగారం మదుపు తక్కువయ్యే అవకాశం ఉందని పేర్కొంది. అంతేకాక, డాలర్ విలువ పుంజుకోవడం, అమెరికా ట్రెజరీ బాండ్లపై రాబడులు పెరగడం కూడా బంగారం ధరపై ప్రతికూల ప్రభావాన్ని చూపుతుందని తెలిపింది.
కేంద్రీయ బ్యాంకుల కొనుగోళ్లలో మందగమనం
ఇటీవల కాలంలో వ్యక్తిగతంగా మరియు కేంద్ర బ్యాంకుల స్థాయిలో బంగారం (Gold) కొనుగోళ్లు తగ్గుముఖం పడుతున్నట్లు WGC విశ్లేషించింది. ఇది బంగారం ధరలను నిలకడగా ఉంచడానికి ప్రధాన పాత్ర పోషించిందని, కొనుగోళ్ల మోతాదులో తగ్గుదల కొనసాగితే ధరలు మరింత తగ్గే అవకాశం ఉందని పేర్కొంది. ముఖ్యంగా అమెరికా ప్రభుత్వం విధించిన టారిఫ్లు, ఆర్థిక విధానాల మార్పులు కూడా మార్కెట్ పై ప్రభావం చూపే అంశాలుగా నిలుస్తున్నాయి.
మదుపుదారులకు జాగ్రత్త సూచన
బంగారం ధరలపై భవిష్యత్తు అంచనాలు స్థిరంగా లేకపోవడంతో, మదుపుదారులు ప్రస్తుతం జాగ్రత్తగా ఉండాలని నిపుణులు సూచిస్తున్నారు. భవిష్యత్తులో బంగారం మదుపు చేయాలనుకునే వారు, మార్కెట్ పరిస్థితులను బట్టి నిర్ణయం తీసుకోవాలని సూచించారు. ఒకవేళ రాజకీయ ఉద్రిక్తతలు తగ్గి, ఆర్థిక స్థిరత్వం నెలకొంటే బంగారం ధరలు క్రమంగా తగ్గే అవకాశం ఉంది. అందువల్ల దీర్ఘకాల పెట్టుబడి కోసం బంగారం ఎంపిక చేసే వారు తాజా పరిస్థితులను గమనించాలి.
Read Also : Nimisha Priya : ఎల్లుండే నిమిషకు ఉరిశిక్ష.. వాళ్ల మనసు మారదా?