ప్రముఖ కంటెంట్ డెలివరీ నెట్వర్క్ (సీడీఎన్) సంస్థ క్లౌడ్ఫ్లేర్(Cloudflare)లో మరోసారి సాంకేతిక సమస్యలు తలెత్తాయి. మూడు వారాల వ్యవధిలో ఇది రెండోసారి కావడంతో ప్రపంచవ్యాప్తంగా పలు కీలక వెబ్సైట్లు, యాప్ల సేవలు నిలిచిపోయాయి. ఇవాళ చోటుచేసుకున్న ఈ అంతరాయం కారణంగా భారత్లో క్యాన్వా, బుక్మైషో, గ్రో, జెరోధా వంటి కీలక సంస్థల సేవలతో పాటు అంతర్జాతీయంగా లింక్డ్ఇన్, స్పేస్ఎక్స్, కాయిన్బేస్ వంటి సైట్లు యూజర్లకు అందుబాటులో లేకుండా పోయాయి.
“క్లౌడ్ఫ్లేర్లో ప్రపంచవ్యాప్త అంతరాయం
ఈ సమస్య కారణంగా చాలా వెబ్సైట్లను ఓపెన్ చేయగా “500 ఇంటర్నల్ సర్వర్ ఎర్రర్ (క్లౌడ్ఫ్లేర్)” అనే సందేశం కనిపించింది. ఆశ్చర్యకరంగా, ఇతర వెబ్సైట్ల పనితీరును పర్యవేక్షించే ‘డౌన్డిటెక్టర్’ వెబ్సైట్ కూడా కొంతసేపు పనిచేయలేదు. ఈ అంతరాయంపై క్లౌడ్ఫ్లేర్ వెంటనే స్పందించింది. తమ డ్యాష్బోర్డ్, ఏపీఐలలో సమస్యలు తలెత్తినట్టు గుర్తించామని, వెంటనే పరిష్కార మార్గాలను అమలు చేశామని తెలిపింది. ప్రస్తుతం పరిస్థితిని నిశితంగా పరిశీలిస్తున్నట్లు వెల్లడించింది. బెంగళూరు కేంద్రంగా పనిచేసే ఆన్లైన్ ట్రేడింగ్ ప్లాట్ఫామ్ ‘గ్రో’ ఈ విషయంపై స్పందిస్తూ, “క్లౌడ్ఫ్లేర్లో ప్రపంచవ్యాప్త అంతరాయం కారణంగా మా సేవల్లో సాంకేతిక సమస్యలు తలెత్తాయి” అని ఎక్స్ వేదికగా పేర్కొంది. అలాగే ఫొటో ఎడిటింగ్ యాప్ ‘క్యాన్వా’ కూడా తమ సీడీఎన్ ప్రొవైడర్ అయిన క్లౌడ్ఫ్లేర్ వైఫల్యం వల్లే తమ సేవలు నిలిచిపోయాయని స్పష్టం చేసింది. నవంబర్ 18న కూడా ఇలాంటి అంతరాయం ఏర్పడిన సంగతి తెలిసిందే. క్లౌడ్ఫ్లేర్ చర్యలతో ప్రస్తుతం సేవలు నెమ్మదిగా పునరుద్ధరణ అవుతున్నాయి.
Read hindi news: https://hindi.vaartha.com
Epaper : https://epaper.vaartha.com/
Read Also: