Epstein files: ప్రముఖ భౌతిక శాస్త్రవేత్త స్టీఫెన్ హాకింగ్ పేరు ఎప్స్టీన్ ఫైల్స్లో వినిపిస్తుండటంపై ఆయన కుటుంబ సభ్యులు తీవ్రంగా స్పందించారు. ఇటీవల సోషల్ మీడియాలో వైరల్ అవుతున్న ఒక ఫోటోపై వారు కీలక వివరణ ఇచ్చారు.
ఆ ఫోటో వెనుక ఉన్న వాస్తవం
వైరల్ అవుతున్న ఫోటో 2006లో కరీబియన్ దీవుల్లోని రిట్జ్ కార్ల్ టన్ హోటల్లో తీసినదిగా వారు ధృవీకరించారు. అప్పట్లో అక్కడ జరిగిన ‘క్వాంటం కాస్మాలజీ’ సదస్సులో ప్రొఫెసర్ హాకింగ్ (Stephen Hawking) ప్రసంగించారని, ఆ సందర్భంలోనే ఆ చిత్రం తీయబడిందని తెలిపారు. ఫోటోలో హాకింగ్ పక్కన ఉన్న వ్యక్తులు ఎప్స్టీన్ వ్యవహారంతో సంబంధం ఉన్న వారు కాదని, వారు హాకింగ్కు సేవలు అందించే యూకేకు చెందిన సిబ్బంది అని స్పష్టం చేశారు.
ఆరోపణలపై హెచ్చరిక
ఎప్స్టీన్ ఫైళ్ల రికార్డుల్లో హాకింగ్ పేరు కొన్ని చోట్ల కనిపించినప్పటికీ, ఆయనపై వస్తున్న అనుమానాల్లో నిజం లేదని కుటుంబ సభ్యులు కొట్టిపారేశారు. 2018లో కన్నుమూసిన ఒక గొప్ప శాస్త్రవేత్తపై ఇలాంటి నిరాధారమైన ఆరోపణలు చేయడం సరికాదని, అలాంటి చర్యలు మానుకోవాలని వారు హెచ్చరించారు.
Read hindi news: hindi.vaartha.com
Epaper: epaper.vaartha.com
Read Also: