Elon Musk data center : ఎలాన్ మస్క్కు చెందిన ఏఐ సంస్థ xAI నిర్మించిన భారీ డేటా సెంటర్ కారణంగా మెమ్ఫిస్ నగరంలోని బాక్స్టౌన్ ప్రాంత ప్రజలు తీవ్ర ఇబ్బందులు ఎదుర్కొంటున్నారు. డేటా సెంటర్ నుంచి వెలువడుతున్న దుర్వాసన, కాలుష్యం కారణంగా తమ ఇళ్ల కిటికీలు కూడా తెరవలేని పరిస్థితి వచ్చిందని స్థానికులు ఆవేదన వ్యక్తం చేస్తున్నారు.
బాక్స్టౌన్లో నివసిస్తున్న 76 ఏళ్ల ఈస్టర్ నాక్స్ మాట్లాడుతూ, “ఇది దేవుడు ఇచ్చిన గాలి. మనిషికి దానిని దూరం చేసే హక్కు లేదు. ఎంత డబ్బు ఉన్నా, మా ప్రాణాలతో ఆడుకోకూడదు” అని అన్నారు. ఆమెకు గతేడాది క్రానిక్ ఆబ్స్ట్రక్టివ్ పల్మనరీ డిసీజ్ (COPD) నిర్ధారణ కాగా, క్యాన్సర్ వల్ల ముగ్గురు కుటుంబ సభ్యులను కోల్పోయినట్లు తెలిపారు. డేటా సెంటర్ నిర్మాణం ప్రారంభమైన తర్వాత గ్యాస్ వాసన, కుళ్లిన క్యాబేజీ వాసన లాంటి దుర్వాసన వస్తోందని, అందుకే కిటికీలు తెరవడం మానేశామని చెప్పారు.
Read also: TG Panchayat Elections: మూడవ విడత పోలింగ్కు సర్వం సిద్ధం
బాక్స్టౌన్ ప్రాంతంలో అధికంగా ఆఫ్రికన్-అమెరికన్ (Elon Musk data center) జనాభా నివసిస్తుండగా, ఇప్పటికే ఎన్నో పరిశ్రమల వల్ల ఈ ప్రాంతం కాలుష్యంతో ఇబ్బంది పడుతోంది. డేటా సెంటర్ ఏర్పాటుతో పరిస్థితి మరింత తీవ్రంగా మారిందని ఆరోగ్య నిపుణులు హెచ్చరిస్తున్నారు. దక్షిణ మెమ్ఫిస్కు చెందిన వైద్యుడు ఆస్టిన్ డాల్గో మాట్లాడుతూ, “ఇలాంటి కేంద్రాలను ధనిక ప్రాంతాల్లో ఏర్పాటు చేసి ఉంటే తీవ్ర నిరసనలు వచ్చేవి. కానీ చారిత్రకంగా నిర్లక్ష్యానికి గురైన ప్రాంతాలనే ఎంచుకోవడం పర్యావరణ వివక్షకు నిదర్శనం” అని వ్యాఖ్యానించారు.
ఈ డేటా సెంటర్కు విద్యుత్ సరఫరా కోసం గ్యాస్ టర్బైన్లను ఉపయోగించారని, మొదట ఇవి తాత్కాలికమని చెప్పినా, అవి నెలల తరబడి కాలుష్య నియంత్రణ అనుమతులు లేకుండానే పనిచేశాయని నివేదికలు చెబుతున్నాయి. ఈ నేపథ్యంలో NAACP సంస్థ xAIపై క్లీన్ ఎయిర్ చట్టం ఉల్లంఘనపై చర్యలు తీసుకోవాలని నోటీసు జారీ చేసింది.
అయితే నగర పాలకులు మాత్రం డేటా సెంటర్ వల్ల ఉద్యోగాలు, పన్నుల ఆదాయం పెరుగుతాయని వాదిస్తున్నారు. అయినా స్థానికుల ఆరోగ్య భయాలు తగ్గడం లేదని, “మా ఇంట్లో కూడా ప్రశాంతంగా శ్వాస తీసుకోలేకపోతున్నాం” అని యువతీ అలెక్సిస్ హంప్రే ఆవేదన వ్యక్తం చేశారు.
Read hindi news: hindi.vaartha.com
Epaper : epaper.vaartha.com
Read Also: