ప్రపంచ బిలియనీర్, టెస్లా అధినేత ఎలాన్ మస్క్ (Elon Musk)పై అమెరికా అధ్యక్షుడు డొనాల్డ్ ట్రంప్ (Donald Trump) మరోసారి ఘాటు వ్యాఖ్యలు చేశారు. ఫ్లోరిడాలో జరిగిన మీడియా సమావేశంలో ట్రంప్ తనదైన శైలిలో మస్క్పై గళమెత్తారు. మస్క్కి లభిస్తున్న ప్రభుత్వ సబ్సిడీలపై ఆయన ఆగ్రహం వ్యక్తం చేశారు.ఎలాన్ మస్క్కి ఎప్పుడూ ఏ ఒక్కరికి అందని స్థాయిలో సబ్సిడీలు లభిస్తున్నాయి. ఇవి లేకపోతే ఆయన వ్యాపారం నిలబడదుగానీ అని ట్రంప్ వ్యాఖ్యానించారు. విద్యుత్తు కార్ల తయారీ నుంచి రాకెట్ ప్రయోగాల వరకు మస్క్ బహుశా ప్రభుత్వ సాయంపైనే ఆధారపడుతున్నారని ఆయన పేర్కొన్నారు.ట్రంప్ చేసిన వ్యాఖ్యలలో “డోజ్” అనే పదం హాట్టాపిక్గా మారింది. డోజ్ అంటే ఓ రాక్షసం. అది మస్క్ను తినేసేలా ఉంటుంది. ఇప్పటివరకు మేము ఇచ్చిన సబ్సిడీలను కత్తిరిస్తే, ప్రభుత్వ ఖజానాకు వేల కోట్ల మిగులు ఉంటుంది. ఇప్పుడు మస్క్పై డోజ్ను ప్రయోగించాల్సిన పరిస్థితి వచ్చింది అని పేర్కొన్నారు.
బిగ్ బ్యూటిఫుల్ బిల్లుతో పెరిగిన విభేదాలు
ఇటీవల సెనేట్లో ఆమోదం పొందిన ‘బిగ్ బ్యూటిఫుల్’ బిల్లుపై మస్క్ తీవ్రంగా వ్యతిరేకించారు. ట్వీట్ల వర్షం కురిపించిన మస్క్, ఆ బిల్లుకు మద్దతిచ్చిన నేతలను వచ్చే ఎన్నికల్లో ఓడించడమే తన లక్ష్యమని బహిరంగంగానే ప్రకటించారు. దీనిపై ట్రంప్ తీవ్రంగా స్పందించడంతో, ఇద్దరి మధ్య గల విభేదాలు మరింత ముదిరాయి.
రాజకీయాల్లోకి మరింత లోతుగా మస్క్?
ఈ పరిణామాలతో మస్క్ రాజకీయాలపై మరింత ఆసక్తి కనబరిచే అవకాశముంది. ఆయన ట్వీట్లు ఇప్పటికే రాజకీయ పార్టీలు, పౌరసమాజాన్ని ప్రభావితం చేస్తున్నాయి. ట్రంప్ విమర్శలతో మస్క్కు ఎదురుగాలి తగలడం ఖాయం.
Read Also : Pakistan: పాకిస్తాన్లో భారీ పేలుడు.. నలుగురు మృతి