పసిఫిక్ మహాసముద్రానికి చెందిన దేశం పపువా న్యూగినియాలో శనివారం భూకంపం సంభవించింది. ఈ భూప్రకంపనలు రిక్టర్ స్కేలుపై 6.2 తీవ్రతతో నమోదైనట్లు అమెరికాకు చెందిన యూఎస్ జియోలాజికల్ సర్వే (USGS) వెల్లడించింది. భూకంప కేంద్రం ప్రధాన నగరానికి సమీపంగా ఉండటంతో ప్రజల్లో ఒక్కసారిగా భయాందోళనలు మొదలయ్యాయి.
భూకంపం సంభవించిన సమయంలో భూమి కంపించడం, భవనాలు ఊగడం వంటి పరిణామాలు చోటుచేసుకున్నాయి. అయితే ఈ ప్రకంపనలతో ప్రస్తుతానికి ప్రాణ, ఆస్తి నష్టం లేదని అధికారులు తెలిపారు. అయినప్పటికీ భవిష్యత్తులో కొండచరియలు విరిగిపడే అవకాశం ఉండటంతో ప్రజలు అప్రమత్తంగా ఉండాలని హెచ్చరికలు జారీ చేశారు.
భవిష్యత్తులో మరిన్ని ప్రకంపనలకు ఛాన్స్
పపువా న్యూగినియా భూకంపాలకు గురయ్యే ప్రాంతాల్లో ఒకటిగా గుర్తించబడింది. ఈ ప్రాంతం టెక్టానిక్ ప్లేట్ల దద్దరిలకు లోనయ్యే “రింగ్ ఆఫ్ ఫైర్”లో భాగంగా ఉంది. కాబట్టి ఇలాంటి ప్రకంపనలు అక్కడ తరచూ చోటుచేసుకోవడం సహజం. అయినప్పటికీ, ఈసారి పెద్ద ప్రాణ నష్టం జరగకపోవడంతో అధికారులు ఊపిరిపీల్చుకున్నారు. భవిష్యత్తులో మరిన్ని ప్రకంపనల అవకాశాన్ని ఎప్పటికప్పుడు సమీక్షించనున్నామని అధికారులు పేర్కొన్నారు.