Dubai Airport Attacks: తెలంగాణ వ్యవసాయ శాఖ మంత్రి తుమ్మల నాగేశ్వరరావుకు దుబాయ్లో చేదు అనుభవం ఎదురైంది. పశ్చిమాసియాలో ఆకస్మికంగా నెలకొన్న యుద్ధ వాతావరణం, దుబాయ్ అంతర్జాతీయ విమానాశ్రయం లక్ష్యంగా జరిగిన దాడుల నేపథ్యంలో ఆయన అక్కడే చిక్కుకుపోయారు. ఐదు రోజుల క్రితం తన కుటుంబ సభ్యులలో ఒకరికి మెరుగైన వైద్య చికిత్స అందించే నిమిత్తం మంత్రి దుబాయ్ వెళ్లారు.
Read Also: Priyanka Gandhi: ఇది అత్యంత హేయమైన చర్య
అసలేం జరిగిందంటే?
గత శనివారం (ఫిబ్రవరి 28) మరియు ఆదివారం (మార్చి 1) మధ్య దుబాయ్ ఎయిర్పోర్ట్ సమీపంలో జరిగిన డ్రోన్ మరియు క్షిపణి దాడుల కారణంగా అక్కడి ప్రభుత్వం అత్యవసర పరిస్థితిని ప్రకటించింది. భద్రతా కారణాల దృష్ట్యా దుబాయ్ సివిల్ ఏవియేషన్ అథారిటీ అన్ని విమాన సర్వీసులను రద్దు చేయడంతో పాటు ఎయిర్పోర్ట్ను తాత్కాలికంగా మూసివేసింది.
సురక్షితంగా ఉన్న మంత్రి
చికిత్స నిమిత్తం దుబాయ్లో ఉన్న మంత్రి తుమ్మల నాగేశ్వరరావు మరియు ఆయన కుటుంబ సభ్యులు ప్రస్తుతం సురక్షితంగా ఉన్నట్లు సమాచారం. అయితే, విమాన రాకపోకలు పూర్తిగా నిలిచిపోవడంతో వారు ఇండియాకు తిరిగి రాలేని పరిస్థితి నెలకొంది. ఎయిర్పోర్ట్ క్లియరెన్స్ వచ్చి, సాధారణ పరిస్థితులు నెలకొనే వరకు వారు అక్కడే ఉండక తప్పని పరిస్థితి ఏర్పడింది.
Read hindi news: hindi.vaartha.com
Epaper: epaper.vaartha.com
Read Also:
