Donald Trump VS Canada: కెనడాపై మరోసారి ధ్వజమెత్తిన ట్రంప్ అమెరికా-కెనడా మధ్య వాణిజ్య యుద్ధం ముదురుతున్న వేళ అమెరికా అధ్యక్షుడు డొనాల్డ్ ట్రంప్ కెనడాపై తీవ్ర విమర్శలు చేశారు. కెనడాను “దరిద్ర దేశాలలో ఒకటి” అంటూ వ్యాఖ్యానించారు.
ఒక ఇంటర్వ్యూలో కెనడాపై ఆయన ఎప్పుడూ ఎందుకు కఠినంగా ఉంటారో ప్రశ్నించగా ట్రంప్ ఈ సంచలన వ్యాఖ్యలు చేశారు.తాను అన్ని దేశాలతో సంబంధాలు కొనసాగిస్తానని కానీ కెనడాతో వ్యవహరించడం చాలా కష్టమని ట్రంప్ అన్నారు.కెనడా చెత్త దేశాల్లో ఒకటిగా అనిపిస్తోందని వ్యాఖ్యానించారు. ఆయన వ్యాఖ్యలు కెనడాలో తీవ్ర దుమారం రేపాయి.అమెరికా కెనడాకు ఏటా 200 బిలియన్ డాలర్లు సబ్సిడీ అందిస్తున్నట్లు ట్రంప్ వెల్లడించారు.
అందుకే కొందరు కెనడాను 51వ రాష్ట్రంగా పరిగణిస్తున్నారని వివరించారు.అయితే అమెరికాకు కెనడా అవసరం లేదని, వారి కలప, శక్తి వనరులు, ఆటోమొబైల్స్ కూడా అవసరం లేదని స్పష్టం చేశారు.ఇటీవల మార్క్ కార్నీ కెనడా ప్రధానమంత్రిగా బాధ్యతలు స్వీకరించిన విషయం తెలిసిందే. ట్రంప్ వ్యాఖ్యలపై ఆయన స్పందిస్తూ, ట్రంప్ తన దురుసు మాటలను తగ్గిస్తేనే చర్చలకు సిద్ధమని స్పష్టం చేశారు. కెనడాపై అమెరికా కఠిన వైఖరి అనవసరమని, పరస్పర అవగాహనతో సమస్యలు పరిష్కరించుకోవచ్చని కార్నీ అభిప్రాయపడ్డారు.ట్రంప్ వ్యాఖ్యలు కెనడా-అమెరికా సంబంధాలను మరింత విషమింపజేస్తాయా? లేదా, ఈ వివాదం త్వరలో సమసిపోతుందా అనేది చూడాలి.