Trump tariff warning : అమెరికాతో కుదుర్చుకున్న వాణిజ్య ఒప్పందాల విషయంలో వెనక్కి తగ్గే ప్రయత్నం చేస్తే తీవ్ర పరిణామాలు తప్పవని అమెరికా అధ్యక్షుడు Donald Trump ప్రపంచ దేశాలకు హెచ్చరిక జారీ చేశారు. ఒప్పందాలను మార్చేందుకు ప్రయత్నిస్తే మరింత భారీ టారిఫ్లు, లైసెన్స్ ఫీజులు విధిస్తామని ఆయన సోషల్ మీడియా ద్వారా స్పష్టం చేశారు.
టారిఫ్ల విధింపుపై అధ్యక్షుడి ప్రత్యేక అధికారాలను అమెరికా సుప్రీంకోర్టు ఇటీవల పరిమితం చేసిన నేపథ్యంలో ట్రంప్ ఈ వ్యాఖ్యలు చేయడం ప్రాధాన్యత సంతరించుకుంది.
సుప్రీంకోర్టు తీర్పు ప్రభావం
ఇంటర్నేషనల్ ఎమర్జెన్సీ ఎకనామిక్ పవర్స్ యాక్ట్ (IEEPA) కింద విస్తృతంగా టారిఫ్లు విధించే అధికారాలు అధ్యక్షుడికి లేవని సుప్రీంకోర్టు 6-3 మెజారిటీతో తీర్పు ఇచ్చింది. పన్నులు విధించే అధికారం కాంగ్రెస్కే చెందుతుందని స్పష్టం చేసింది.
Read also: Thane Crime: రేబిస్ భయంతో బ్యాంకు ఉద్యోగి ఆత్మహత్య
కొత్త చట్టం కింద 15% తాత్కాలిక సుంకం
ఈ తీర్పు తర్వాత ట్రంప్ ప్రభుత్వం 1974 ట్రేడ్ యాక్ట్లోని సెక్షన్ 122ను ఉపయోగిస్తూ ప్రపంచవ్యాప్తంగా దిగుమతులపై 15% తాత్కాలిక సుంకాన్ని ప్రకటించింది. ఈ సుంకం 150 రోజుల పాటు అమల్లో ఉంటుంది. ఫిబ్రవరి 24 నుంచి ఇది అమల్లోకి రానుంది.
“ఏ దేశమైనా అమెరికాతో ఆటలాడాలని చూస్తే, ముఖ్యంగా సంవత్సరాలుగా అమెరికాను దోచుకున్న దేశాలు వెనక్కి తగ్గాలని ప్రయత్నిస్తే వారు ఊహించని స్థాయిలో టారిఫ్లను ఎదుర్కోవాల్సి ఉంటుంది,” అని ట్రంప్ హెచ్చరించారు.
ఈ పరిణామాల నేపథ్యంలో అమెరికా–యూరోపియన్ యూనియన్ వాణిజ్య ఒప్పందంపై జరగాల్సిన ఓటింగ్ను యూరోపియన్ పార్లమెంట్ వాయిదా వేసినట్లు సమాచారం. దీంతో అంతర్జాతీయ వాణిజ్య రంగంలో అనిశ్చితి నెలకొంది.
Read hindi news: hindi.vaartha.com
Epaper: epaper.vaartha.com
Read also: