అమెరికా అధ్యక్షుడు డొనాల్డ్ ట్రంప్ తీసుకుంటున్న నిర్ణయాలపై అమెరికాలో అసంతృప్తి రోజురోజుకూ పెరుగుతోంది. తాజాగా న్యూయార్క్తో సహా పలు నగరాల్లో పెద్ద ఎత్తున ప్రజలు వీధుల్లోకి వచ్చి నిరసన తెలిపిన దృశ్యాలు కనబడుతున్నాయి. ప్లకార్డులు పట్టుకుని ‘ట్రంప్ వెనక్కి పో’, ‘ప్రజాస్వామ్యాన్ని కాపాడాలి’ అంటూ గళమెత్తారు.ప్రధానంగా న్యూయార్క్ సిటీలోని ప్రధాన గ్రంథాలయం వెలుపల నిరసనకారులు భారీగా గుమిగూడారు. ట్రంప్ పాలన దేశ రాజ్యాంగాన్ని ఉల్లంఘిస్తోందని వారు ఆవేదన వ్యక్తం చేశారు. “ఇక్కడ రాజులు లేరు”, “భయపడొద్దు.. వలసదారులకు స్వాగతం” అనే నినాదాలు అక్కడ మార్మోగాయి. ట్రంప్ తీసుకుంటున్న వలస విధానాలు, ప్రత్యేకించి తాత్కాలిక వలసదారులపై తీసుకున్న చర్యలు ప్రజల్లో తీవ్ర నిరాశకు కారణమవుతున్నాయి.వలసదారులకు ఇచ్చిన చట్టపరమైన నివాస హోదాను రద్దు చేయడం, అనుమతులు లేకుండా ఉన్నవారిని దేశం నుంచి బయటకు పంపించే నిర్ణయంపై తీవ్రంగా స్పందిస్తున్నారు. “ఈ భూమి మీద అందరికీ చోటుంది, ఇది మన దేశం మాత్రమే కాదు” అని ఒక ఆందోళనకారి మీడియాతో చెప్పారు.ఇటీవలే ఒక పాలస్తీనా విద్యార్థిని, ఎఫ్-1 వీసా గడువు ముగిసినా అమెరికాలో ఉన్నందుకు అరెస్ట్ చేయడం — దీనిపై కూడా నిరసనకారులు ఆగ్రహం వ్యక్తం చేశారు. అలాంటి చర్యలు మానవత్వానికి విరుద్ధమని వారు పేర్కొన్నారు. మరో పాలస్తీనా విద్యార్థిని విడుదల చేయాలని డిమాండ్ చేశారు.
ఈ నిరసనలు కొత్తగా పుట్టినవేమీ కావు. ట్రంప్ పాలన ప్రారంభమైనప్పటి నుంచి ఇలాంటి ఘట్టాలు పదేపదే చోటు చేసుకుంటున్నాయి. కొద్దిరోజుల క్రితం ‘హ్యాండ్స్ ఆఫ్’ ఉద్యమం పేరుతో 50 రాష్ట్రాల్లో 1,200 ప్రాంతాల్లో పెద్ద ఎత్తున ర్యాలీలు జరిగాయి. ఆందోళనల్లో పౌరహక్కుల సంఘాలు, కార్మికులు, ఎల్జీబీటీక్యూ కార్యకర్తలు, న్యాయవాదులు, సీనియర్ పౌరులు పాల్గొన్నారు.ట్రంప్ తీసుకుంటున్న నిర్ణయాలు ప్రజాస్వామ్య విలువలను ఉల్లంఘిస్తున్నాయని, రాజ్యాంగ నిబంధనలకు విరుద్ధంగా వ్యవహరిస్తున్నారని నిరసనకారులు ధ్వజమెత్తుతున్నారు. ప్రజల నిబద్ధత, వివిధ వర్గాల మద్దతు ఇప్పుడు ట్రంప్ పాలనకు గట్టి పోటీనిస్తోంది.సామాన్య ప్రజలు, విద్యార్థులు, సంస్థలు కలసి స్వరాన్ని వినిపించడమే ఈ ఉద్యమాలకు ప్రాణం. ప్రజల ఈ సంఘటిత నిరసన ట్రంప్కు బలమైన సందేశాన్ని పంపించనుంది. ఆయన్ను విధానాలు మార్చేలా ఒత్తిడి చేయడమే అందరి లక్ష్యం.
Read Also : Donald Trump: ఆకట్టుకుంటున్న ఏఐ రైతులా ట్రంప్..వీడియో వైరల్