Trump news : ఫ్లోరిడాలోని మార్-ఎ-లాగో రిసార్ట్లోకి ఆయుధాలతో చొరబడేందుకు ప్రయత్నించిన వ్యక్తిని భద్రతా సిబ్బంది కాల్చి చంపిన ఘటనపై అమెరికా అధ్యక్షుడు Donald Trump స్పందించారు. ఈ ఘటన తరువాత మాట్లాడుతూ తన భద్రతపై ఆయన చేసిన వ్యాఖ్యలు చర్చనీయాంశమయ్యాయి.
“నేను ఇంకెంతకాలం ఉంటానో నాకే తెలియదు… చాలా మంది నన్ను లక్ష్యంగా చేసుకుంటున్నారు కదా?” అని ట్రంప్ కాస్త ఆందోళనతో, మరికొంత వ్యంగ్యంగా వ్యాఖ్యానించారు. 2024 ఎన్నికల ప్రచారం సమయంలో తనపై రెండు సార్లు హత్యాయత్నాలు జరిగాయని కూడా ఆయన గుర్తు చేశారు.
Read also: Thane Crime: రేబిస్ భయంతో బ్యాంకు ఉద్యోగి ఆత్మహత్య
ట్రంప్ తనదైన శైలిలో మాట్లాడుతూ, “ఇలాంటి దాడులు ఎక్కువగా ప్రభావవంతమైన నాయకులపైనే జరుగుతాయి. ప్రభావం లేని నాయకుల్ని ఎవరూ టార్గెట్ చేయరు” అన్నారు. గతంలో హత్యకు గురైన అబ్రహాం లింకన్, జాన్ ఎఫ్. కెన్నెడీ వంటి నాయకులను ఉదాహరణగా ప్రస్తావిస్తూ నవ్వుతూ వ్యాఖ్యానించారు.
తెల్లవారుజామున దాడి ప్రయత్నం
అధికారుల ప్రకారం, నార్త్ కరోలినాకు చెందిన 21 ఏళ్ల ఆస్టిన్ టక్కర్ మార్టిన్ తెల్లవారుజామున సుమారు 1:30 గంటలకు తన కారుతో మార్-ఎ-లాగో ఎస్టేట్ ఉత్తర గేటును ఢీకొట్టి లోపలికి ప్రవేశించాడు. అతని వద్ద షాట్గన్ మరియు పెట్రోల్ కేన్ ఉండటాన్ని సెక్యూరిటీ గమనించింది.
అధికారులు ఆయుధాలు వదిలేయాలని హెచ్చరించినప్పటికీ అతను స్పందించలేదు. పైగా పెట్రోల్ కేన్ను కింద ఉంచి గన్ను అధికారుల వైపు గురిపెట్టడంతో సీక్రెట్ సర్వీస్ ఏజెంట్లు కాల్పులు జరపగా అతను అక్కడికక్కడే మరణించాడు.
పోలీసుల దర్యాప్తులో, అతను కొన్ని రోజుల క్రితం ఇంటి నుంచి వెళ్లిపోయి ఫ్లోరిడాకు చేరుకున్నట్లు తెలిసింది. ప్రయాణంలోనే షాట్గన్ను కొనుగోలు చేసినట్లు అధికారులు తెలిపారు. ఘటన సమయంలో ట్రంప్ అక్కడ లేరు.
Read hindi news: hindi.vaartha.com
Epaper: epaper.vaartha.com
Read also:
