అమెరికా అధ్యక్షుడు డొనాల్డ్ ట్రంప్ కొత్త పన్నుల విధానం పెద్దదెబ్బ కొట్టింది.మార్కెట్లు ఒక్కసారిగా కూలిపోయాయి.ప్రముఖ పారిశ్రామికవేత్తలు ఒక్క రోజులోనే భారీగా నష్టపోయారు.ఫోర్బ్స్ వెల్లడించిన వివరాల ప్రకారం, మెటా సీఈఓ మార్క్ జుకర్బర్గ్ సంపద రూ.1.5 లక్షల కోట్ల మేర తరుగుదలయ్యింది.అమెజాన్ వ్యవస్థాపకుడు జెఫ్ బెజోస్ రూ.1.3 లక్షల కోట్లు నష్టపోయారు. టెస్లా అధినేత ఎలాన్ మస్క్ రూ.74 వేల కోట్లు పోగొట్టుకున్నారు.ట్రంప్ నిర్ణయం తర్వాత షేర్ మార్కెట్లు తీవ్ర ఒడిదుడుకులకు లోనయ్యాయి. వ్యాపార వ్యయాలు పెరగబోతున్నాయని పెట్టుబడిదారులు భయపడ్డారు. దీంతో వాళ్లు భారీగా షేర్లు విక్రయించి వెనక్కు తగ్గారు.
అమెరికా మార్కెట్లు 2022 తరువాత ఈ స్థాయికి పడిపోవడం ఇదే మొదటిసారి.
S&P 500 సూచిక 275 పాయింట్లు పడిపోయింది.
నాస్డాక్ 1,053 పాయింట్లు నష్టపోయింది.
డౌజోన్స్ సూచిక 1,682 పాయింట్లు కోల్పోయింది.
ఇతర ప్రముఖుల పరిస్థితి కూడా భయంకరంగానే ఉంది.
ఎన్విడియా సీఈఓ జెన్సన్ హువాంగ్ రూ.63 వేల కోట్లు నష్టపోయారు.
మైక్రోసాఫ్ట్ వ్యవస్థాపకుడు బిల్ గేట్స్ రూ.6,363 కోట్లు పోగొట్టుకున్నారు.
గూగుల్ సహ వ్యవస్థాపకులు లారీ పేజ్, సెర్గీ బ్రిన్ వరుసగా రూ.41,000 కోట్లు, రూ.39,000 కోట్లు నష్టపడ్డారు.
సుందర్ పిచాయ్ రూ.153 కోట్లు, టిమ్ కుక్ రూ.581 కోట్లు నష్టపోయారు.
ఈ పన్నుల మార్పులు అంతర్జాతీయ మార్కెట్లపై భారీ ప్రభావం చూపనున్నాయని నిపుణులు చెబుతున్నారు. ట్రంప్ తీసుకున్న నిర్ణయంపై న్యాయపరమైన సవాళ్లు రావొచ్చని UBS విశ్లేషకులు తెలిపారు. వ్యాపార సంస్థలు లాబీయింగ్ మొదలుపెడతాయని, చర్చలతో పరిష్కారం కావొచ్చని అభిప్రాయపడ్డారు.
IEEPA చట్టం ఆధారంగా ట్రంప్ ఈ నిర్ణయం తీసుకున్నారని తెలుస్తోంది. అంతకుముందెన్నడూ ఈ చట్టం ఈ స్థాయిలో వాడలేదు. ఇదే ట్రంప్కు వ్యతిరేకంగా నూతన చర్చలకు దారితీసే అవకాశముంది.
READ MORE : Narendra Modi : సీఎం స్టాలిన్ పై మోదీ విమర్శలు