రష్యా అధ్యక్షుడు పుతిన్(Putin) డిసెంబర్ 4, 5 తేదీల్లో భారత్ పర్యటించిన సంగతి తెలిసిందే. 23వ భారత్-రష్యా(india-russia) వార్షిక శిఖరాగ్ర సమావేశం సందర్భంగా ప్రధాని మోదీ(PM Modi) తో ఆయన సమావేశమయ్యారు. ఈ రెండు రోజుల పర్యటనలో ఇరుదేశాల మధ్య వ్యహాత్మక భాగస్వామ్యాన్ని బలోపేతం చేసేందుకు రక్షణ, వాణిజ్యం, ఇంధనం, సాంకేతికతతో సహా కీలక రంగాలలో పలు ఒప్పందాలపై సంతకాలు జరిగాయి. పుతిన్ పర్యటనలో భాగంగా ‘రికార్సిప్రొకల్ ఎక్స్చేంజ్ ఆఫ్ లాజిస్టిక్ సపోర్ట్’ (RELOS) ఒప్పందం జరిగింది. దీని ప్రకారం ఇరు దేశాల సైనిక బలగాలు, నౌకలు, విమానాలు లాజిస్టిక్ మద్దతు కోసం ఈ సౌకర్యాలను ఒకరినొకరు వినియోగించుకోవచ్చు.
Read Also: Amazon River: అమెజాన్ నదిపై వంతెనలు ఎందుకు లేవో తెలుసా?
S-400 స్క్వాడ్రన్లు కొనుగోలు చేసేందుకు ఒప్పందం
S-400 స్క్వాడ్రన్ల అదనపు డెలివరీలు, అత్యాధునికి SU-57 స్టెల్త్ ఫైటర్ జెట్లు, అలాగే S-500 అడ్వాన్స్డ్ ఎయిర్ డిఫెన్స్ షీల్ట్ వ్యవస్థల కొనుగోలుపై చర్చలు జరిపారు. మరో అయిదు S-400 స్క్వాడ్రన్లు కొనుగోలు చేసేందుకు ఒప్పందం జరిగనట్లు తెలుస్తోంది. అలాగే మేక్ ఇన్ ఇండియా చొరవ కింద ఏకే-203 రైఫిళ్లు, బ్రహ్మోస్ క్షిపణులు, రష్యా నుంచి సరఫరా అయ్యే రక్షణ పరికరాల విడిభాగాలు, ఇతర ఉత్పత్తులను ఉమ్మడి తయారీని ప్రోత్సహించడం కోసం ఇరుపక్షాలు అంగీకారం తెలిపాయి. 2024-25 నాటికి ద్వైపాక్షిక వాణిజ్యాన్ని $68.7 బిలియన్లకు చేరగా.. 2030 నాటికి $100 బిలియన్లకు పెంచాలని ఇరు దేశాలు నిర్ణయించుకున్నాయి.
అమెరికా నుంచి ఒత్తిడి ఉన్నప్పటికీ..
ఇంధన భద్రత, పౌర అణు సహకారం భారత్-రష్యా భాగస్వామ్యంలో కీలక స్థాలను కలిగి ఉన్నాయి. అమెరికా నుంచి ఒత్తిడి ఉన్నప్పటికీ.. తక్కువ ధరకే ముడి చమురును నిరంతరాయంగా సరఫరా చేసేందుకు కట్టుబడి ఉంటామని పుతిన్ ప్రకటించారు. అలాగే కుడంకుళం అణు విద్యుత్ కేంద్రానికి (KKNPP) సంబంధించి, చిన్న రియాక్టర్ల తయారీపై చర్చలు జరిగాయి. అణుశక్తి రంగంలో ఇరుదేశాల మధ్య సహకారాన్ని పెంపొందించేందుకు ఒప్పందాలు కుదిరాయి. అలాగే ఇరు దేశాల పౌరులు తాత్కాలికంగా పని చేసేందుకు వీలు కల్పించే తాత్కాలిక కార్మిక కార్యకలాపాల ఒప్పందంపై కూడా సంతకాలు జరిగాయి.ఇక రష్యా పౌరులకు 30 రోజుల ఉచిత ఇ-టూరిస్ట్ వీసాను అందిస్తామని ప్రధాని మోదీ అన్నారు. అలాగే అంతర్జాతీయ బిగ్ క్యాట్ అలయన్స్లో చేరేందుకు రష్యా అంగీకరించింది.
Read hindi news: hindi.vaartha.com
Epaper: epaper.vaartha.com
Read also: