ఇంగ్లండ్తో జరిగిన వన్డే మ్యాచ్లో భారత మహిళా క్రికెటర్ దీప్తి శర్మ తన అసాధారణ బ్యాటింగ్తో అంతర్జాతీయ క్రికెట్ను ఉలిక్కిపడేలా చేసింది. ముఖ్యంగా ఆమె కొట్టిన ఒంటి చేత్తో సిక్స్ (One-handed Six) ప్రపంచవ్యాప్తంగా క్రికెట్ అభిమానులను ఆశ్చర్యపరిచింది. ఇప్పటివరకు ఈ రకమైన సాహసోపేతమైన షాట్లు పురుషుల క్రికెట్లో రిషబ్ పంత్, ఏబీ డివిలియర్స్ వంటి ఆటగాళ్ల వద్ద మాత్రమే చూసాం. అయితే ఇప్పుడు మహిళల క్రికెట్లోనూ ఈ ట్రెండ్ ప్రారంభమవుతోంది, దీప్తి శర్మ అందుకు నిదర్శనంగా నిలిచారు.ఈ మ్యాచ్లో ఇంగ్లండ్ బౌలర్ లారెన్ బెల్, విసిరిన బంతిని దీప్తి శర్మ (Deepti Sharma) మిడ్ వికెట్ మీదుగా ఒంటి చేత్తో భారీ సిక్స్గా మలిచారు. సాధారణంగా రెండు చేతులతో బ్యాలెన్స్ తీసుకుంటూ బ్యాటింగ్ చేయాల్సిన పరిస్థితుల్లో, ఒక్క చేత్తో బ్యాట్ పట్టుకుని బాల్ను బౌండరీకి తాకించడం చిన్న విషయం కాదు. ఈ షాట్ను చూసిన ప్రేక్షకులు ఆశ్చర్యపోయారు, కామెంటేటర్లు “Extraordinary Shot”, “Sensational” అని పొగిడేశారు. వీడియో క్షణాల్లోనే సోషల్ మీడియా (Social Media)లో వైరల్ అయింది.
కష్టపడి సాధించిన
దీప్తి శర్మ మాట్లాడుతూ, “నేట్స్లో రిషబ్ పంత్ వీడియోలు చూసి అలాంటి షాట్లు ట్రై చేయాలనే ఆలోచన వచ్చిందని, తనకు ఆత్మవిశ్వాసం ఇచ్చింది” అని చెప్పారు. ఇది ఆమె కష్టపడి సాధించిన నైపుణ్యంకి ఒక నిదర్శనం. దీప్తి షాట్ చూసి కొంతమంది అభిమానులు (“Women’s Cricket is evolving rapidly”) అంటూ కామెంట్స్ చేశారు. ఇది మహిళల క్రికెట్లో కొత్త శైలిని సూచిస్తోంది.ఈ షాట్లో దీప్తి శర్మ చూపించిన ఒగ్ని, టెక్నిక్, మైండ్సెట్అన్నీ ఆమె వ్యక్తిత్వాన్ని ప్రతిబింబిస్తున్నాయి. ఆమె కేవలం ఒక బౌలింగ్ ఆల్రౌండర్ మాత్రమే కాకుండా, గంభీరమైన బ్యాట్స్వుమన్ కూడా అనే విషయం ఈ షాట్ ద్వారా స్పష్టమైంది.
దీప్తి శర్మ సాధించిన విజయాలు ఏమిటి?
టీ20ల్లో 1000 పరుగులు, 100 వికెట్లు తీసిన తొలి భారతీయ మహిళ శర్మ. ప్రస్తుతం అత్యుత్తమ ఆల్ రౌండర్లలో ఒకరైన శర్మ భారత జట్టులో కీలక పాత్ర పోషిస్తున్నారు.
దీప్తి శర్మ ఫేవరెట్ క్రికెటర్?
తనకు ఇష్టమైన క్రికెటర్ సురేష్ రైనా లాగే, దీప్తి కూడా అద్భుతమైన ఇన్సైడ్-అవుట్ షాట్ను కలిగి ఉంది. ఆమె మిడ్వికెట్కి కూడా బలమైన హిట్టింగ్ను కలిగి ఉంది.
Read hindi news: hindi.vaartha.com
Read Also: Virat Kohli: ఐసీసీ రేటింగ్ పాయింట్లలో కోహ్లీ రికార్డ్
