CEO Julie: ప్రపంచవ్యాప్తంగా టెక్ రంగంలో ఆర్టిఫిషియల్ ఇంటెలిజెన్స్ (AI) ప్రకంపనలు సృష్టిస్తోంది. తాజాగా ప్రముఖ కన్సల్టెన్సీ దిగ్గజం యాక్సెంచర్ (Accenture) తన ఉద్యోగుల విషయంలో అత్యంత కఠినమైన నిర్ణయాన్ని ప్రకటించింది. కంపెనీలో కొనసాగాలన్నా లేదా పదోన్నతి (Promotion) పొందాలన్నా AI నైపుణ్యం కలిగి ఉండటం ఇకపై తప్పనిసరి అని కంపెనీ సీఈఓ జూలీ స్వీట్ స్పష్టం చేశారు.
Read Also: FIFA 2026: ఇరాన్ ఆటగాళ్లకు డొనాల్డ్ ట్రంప్ వార్నింగ్
$3 బిలియన్ల పెట్టుబడితో ‘రీస్కిల్లింగ్’
యాక్సెంచర్ తన వ్యాపార కార్యకలాపాలను AI తో అనుసంధానించడానికి 3 బిలియన్ డాలర్ల (సుమారు ₹25,000 కోట్లు) భారీ ప్రణాళికను అమలు చేస్తోంది. ఇందులో భాగంగా సెప్టెంబర్ నెలలో దాదాపు $865 మిలియన్లతో “ఆరు నెలల ఆప్టిమైజేషన్ ప్రోగ్రామ్”ను ప్రారంభించింది. వేలాది మంది ఉద్యోగులకు కొత్త టెక్నాలజీపై శిక్షణ ఇవ్వడం మరియు మారడానికి ఇష్టపడని వారికి సంస్థ నుంచి తలుపు చూపించడం ఈ ప్రోగ్రామ్ ముఖ్య ఉద్దేశం.
పదోన్నతి కావాలంటే AI రావాల్సిందే!
“రాపిడ్ రెస్పాన్స్” పాడ్కాస్ట్లో జూలీ స్వీట్ మాట్లాడుతూ.. “మీరు కంపెనీలో ఎదగాలనుకుంటే, మేము ప్రవేశపెట్టిన కొత్త సాధనాలను (AI Tools) వాడటం నేర్చుకోవాలి. ఇది మూడు ఏళ్ల నుండి మేము చేస్తున్న ప్రయత్నం. ఇప్పుడు ఇది యాక్సెంచర్ పని విధానంలో ఒక భాగం” అని పేర్కొన్నారు. కంప్యూటర్లు వచ్చిన కొత్తలో టైప్రైటర్ల స్థానంలో వాటిని ఎలా వాడాల్సి వచ్చిందో, నేడు AI కూడా అంతే అవసరమని ఆమె అభివర్ణించారు.
ప్రపంచ వ్యాప్తంగా AI పరిస్థితి ఏంటి?
గాలప్ పోల్ నివేదిక ప్రకారం, 2025 చివరి నాటికి కేవలం 38% కంపెనీలు మాత్రమే పూర్తిస్థాయిలో AIని తమ పనిలో భాగం చేసుకున్నాయి. మరోవైపు, 6,000 మంది సీ-సూట్ ఎగ్జిక్యూటివ్లపై జరిగిన అధ్యయనంలో.. చాలామంది AIని వారానికి సగటున 1.5 గంటలు మాత్రమే వాడుతున్నారని తేలింది. అయితే, రాబోయే దశాబ్ద కాలంలో AI ద్వారా అమెరికా ఆర్థిక వ్యవస్థకు దాదాపు $6.6 ట్రిలియన్ల అదనపు ఆదాయం సమకూరుతుందని అంచనా. యాక్సెంచర్ లాంటి దిగ్గజ సంస్థ తీసుకున్న ఈ నిర్ణయం ఐటీ రంగంలో పెను మార్పులకు సంకేతం. సాంకేతికతకు అనుగుణంగా తమను తాము మలచుకోలేని పాత వర్క్ఫ్లోలను వీడితేనే భవిష్యత్తు ఉంటుందని నిపుణులు హెచ్చరిస్తున్నారు.
Read hindi news: hindi.vaartha.com
Epaper : epaper.vaartha.com
Read Also: