Canada: విదేశాల్లో ఉన్నత విద్య అనగానే కెనడా చాలా మందికి ప్రాధాన్యమైన గమ్యం. అయితే తాజాగా ఆ దేశం భారతీయ విద్యార్థులకు తీవ్ర నిరాశ కలిగించింది. ఈ ఏడాది భారతీయుల నుండి వచ్చిన స్టూడెంట్ వీసా దరఖాస్తుల్లో(student visa applications) దాదాపు 80% వరకు తిరస్కరించబడ్డాయి. కెనడా ఇమ్మిగ్రేషన్, రెఫ్యూజీస్ అండ్ సిటిజన్షిప్ (IRCC) నివేదిక ప్రకారం గత దశాబ్దంలో ఇంత పెద్ద స్థాయిలో తిరస్కరణలు జరగడం ఇదే తొలిసారి.వీసా నిరాకరణల ప్రభావం
వీసా రిజెక్షన్ రేటు పెరగడంతో కెనడాలో చదువుకోడానికి వెళ్తున్న భారత విద్యార్థుల సంఖ్య గణనీయంగా పడిపోయింది. 2024లో కేవలం 1.88 లక్షల మందికి మాత్రమే అనుమతులు లభించాయి. ఇది రెండు సంవత్సరాల క్రితం కంటే సగానికి పైగా తగ్గిన సంఖ్య. ఒకప్పుడు భారతీయ విద్యార్థుల్లో 18% మంది కెనడాను ఎంచుకోగా, ప్రస్తుతం ఆ సంఖ్య 9%కు పడిపోయింది.
కఠినతరమైన నిబంధనలు
కెనడా ప్రభుత్వం గృహాల కొరత, మౌలిక వసతులపై ఒత్తిడి, స్థానిక రాజకీయ కారణాలను దృష్టిలో పెట్టుకుని కొత్త నియమాలు అమలు చేస్తోంది. ఇప్పుడు విద్యార్థులు వీసా కోసం 20,000 కెనడియన్ డాలర్లకు పైగా ఆర్థిక సాక్ష్యాలు, స్పష్టమైన స్టడీ ప్లాన్లు, లాంగ్వేజ్ టెస్ట్ ఫలితాలు సమర్పించాల్సి ఉంది. చదువు పూర్తయ్యాక వర్క్ పర్మిట్ అవకాశాలను కూడా పరిమితం చేశారు. అంతేకాకుండా, వేగవంతమైన వీసా ప్రాసెస్ కోసం ఉద్దేశించిన స్టూడెంట్ డైరెక్ట్ స్ట్రీమ్ను నిలిపివేశారు.
కెనడా తలుపులు కఠినతరం కావడంతో, భారతీయ విద్యార్థులు ప్రత్యామ్నాయ గమ్యస్థానాలను వెతుకుతున్నారు. ఈ క్రమంలో జర్మనీకి పెద్ద పీట వేస్తున్నారు. అప్గ్రాడ్ నివేదిక ప్రకారం(upgrade report) ప్రస్తుతం 31% భారతీయ విద్యార్థులు జర్మనీలో చదవాలని భావిస్తున్నారు. తక్కువ లేదా ఉచిత ఫీజులు, ఇంగ్లిష్ మాధ్యమంలో అందుబాటులో ఉన్న కోర్సులు, బలమైన ఆర్థిక వ్యవస్థ, మెరుగైన ఉద్యోగ అవకాశాలు ఇవన్నీ జర్మనీని ఆకర్షణీయంగా మార్చాయి. గత ఐదేళ్లలో జర్మనీలో భారతీయ విద్యార్థుల సంఖ్య రెట్టింపై సుమారు 60,000కి చేరింది.
కెనడాలో భారత విద్యార్థుల వీసా రిజెక్షన్ రేటు ఎంత ఉంది?
ఈ ఏడాది దాదాపు 80% వరకు వీసా దరఖాస్తులు తిరస్కరించబడ్డాయి.
కెనడా ఎందుకు విద్యార్థి వీసా నియమాలను కఠినతరం చేసింది?
గృహాల కొరత, మౌలిక వసతులపై ఒత్తిడి మరియు స్థానిక రాజకీయ పరిస్థితుల కారణంగా ఈ నిర్ణయం తీసుకుంది.
Read hindi news:hindi.vaartha.com
Read Also: