కెనడాలోని యూకాన్ ప్రావిన్స్(Canada Earthquake) మరియు అమెరికాలోని అలాస్కా సరిహద్దు మధ్య శనివారం భారీ భూకంపం సంభవించింది. రిక్టర్ స్కేల్పై 7.0 తీవ్రతతో నమోదైన ఈ బలమైన ప్రకంపనలు స్థానికులను ఒక్కసారిగా ఆందోళనకు గురి చేశాయి. అయితే, ఇప్పటి వరకు ప్రాణనష్టం లేదా పెద్ద ఎత్తున ఆస్తి నష్టంపై ఎలాంటి సమాచారం లభించలేదు. సునామీ హెచ్చరిక కూడా జారీ చేయలేదు.
Read Also: Breaking News: దక్షిణాఫ్రికాలో హాస్టల్పై దారుణ కాల్పులు – 11 మంది మృతి
అమెరికా జియోలాజికల్ సర్వే (USGS) సమాచారం ప్రకారం, ఈ భూకంపం(Canada Earthquake) భూమి లోపల 10 కిలోమీటర్ల లోతులో ఏర్పడింది. అలాస్కా రాజధాని జూనోకు సుమారు 230 మైళ్లు, యూకాన్లోని వైట్హార్స్కు 155 మైళ్లు దూరంలో కేంద్రబిందువు నమోదైంది. సమీప పట్టణాలైన కెనడాలోని హైన్స్ జంక్షన్ (జనాభా 1,018) మరియు యాకుటాట్, అలాస్కా (జనాభా 662) కూడా ప్రభావిత ప్రాంతాల్లో ఉన్నాయి.
యూకాన్ ప్రాంతంలో నేల కంపించగా ఆఫ్టర్షాక్లు వరుసగా నమోదు
వైట్హార్స్లో రాయల్ కెనేడియన్ మౌంటెడ్ పోలీస్(Royal Canadian Mounted Police) ప్రకారం, భూకంపం సమయంలో ప్రజలు 911కి అనేక కాల్స్ చేశారు. నేచురల్ రిసోర్సెస్ కెనడా నిపుణురాలు అలిసన్ బర్డ్ మాట్లాడుతూ, ప్రభావం ఎక్కువగా పర్వత ప్రాంతాల్లోనే ఉందని, అక్కడ జనాభా తక్కువగా ఉండటంతో పెద్ద ప్రమాదం తప్పిందని పేర్కొన్నారు. కొన్ని ఇండ్లలో వస్తువులు కింద పడినప్పటికీ, భవనాలకు ఎటువంటి నిర్మాణ నష్టం జరగలేదని అన్నారు.
భారీ ప్రకంపనల అనంతరం 20కు పైగా చిన్న చిన్న ఆఫ్టర్షాక్లు నమోదయ్యాయి. వాటిలో రెండు 5.3 మరియు 5.0 తీవ్రతతో ఉన్నాయని అలాస్కా ఎర్త్క్వేక్ సెంటర్ తెలిపింది. ఇవి ప్రధానంగా అలాస్కా–కెనడా సరిహద్దు ప్రాంతాన్ని ప్రభావితం చేశాయి. ప్రాంతం ఎక్కువగా అడవులు, పర్వత ప్రాంతాలతో నిండి ఉండటంతో పెద్ద ప్రమాదం తప్పిందని అధికారులు తెలిపారు. అయితే, ఆఫ్టర్షాక్లు కొనసాగే అవకాశం ఉన్నందున నివాసితులు అప్రమత్తంగా ఉండాలని సూచించారు.
Read hindi news: hindi.vaartha.com
Epaper: epaper.vaartha.com
Read also: