ఖండాలు ఏవైనా.. దేశాలు ఎన్నైనా మహిళలకు మాత్రం న్యాయం జరగడం లేదు. ఆకాశంలో సగభాగం మాదే అంటూ, నింగీనేలా తనదేలా భావిస్తూ, తన కెరీర్ జీవితంలో విప్లవాత్మకమైన మార్పులతో ఎంతో ఎదుగుతూ, దేశాభివృద్ధికి, సమాజానికి ఆదర్శంగా నిలుస్తున్నా..మహిళ అనేసరికి ఆమెను లైంగిక అవసరాలను తీర్చేసాధనంగానే భావిస్తున్నారు. ఆమె అభివృద్ధిని అడ్డుకునే రాక్షసకీడలు నిత్యం ఎక్కడో ఒకచోట జరుగుతూనే ఉన్నాయి. అందుకే పసిబిడ్డల నుంచి, వృద్ధుల వరకు ఒంటరిగా కనిపిస్తే చాలు.. కామాంధుల భారీ నుంచి తప్పించుకోలేక పోతున్నారు. తాజాగా బ్రిటన్(Britain) లో భారత సంతతికి చెందిన ఇరవై ఏళ్ల మహిళపై లైంగిక దాడి జరిగింది. దీనికి సంబంధించిన పూర్తి వివరాలు ఇలా ఉన్నాయి.
Read Also: Delhi Crime: కాలేజీ విద్యార్థినిపై యాసిడ్ దాడి చేసిన ప్రేమోన్మాది
‘జాతి వివక్ష దాడి’గా పేర్కొన్న పోలీసులు
ఉత్తర ఇంగ్లండ్(Britain) లోని వాల్ సాల్ ప్రాంతంలో శ్వేతజాతీయుడైన ఓ వ్యక్తి యువతిపై అత్యాచారానికి పాల్పడ్డాడు. దీన్ని ‘జాతి వివక్ష దాడి’గా పరిగణిస్తున్న వెస్ట్ మిడ్ లాండ్స్(West Midlands) పోలీసులు, నిందితుడిని పట్టుకునేందుకు ప్రయత్నిస్తున్నారు. ఈ మేరకు అనుమానితుడి సీసీటీవీ పుటేజ్ ను పోలీసులు విడుదల చేశారు. ఒక మహిళపై లైంగిక దాడి జరగడంతో ఆమె తీవ్ర మనస్తాపానికి గురై వీధీ మధ్యలో కూర్చున్నట్లు పోలీసులకు సమాచారం అందడంతో ఈ సంఘటన వెలుగులోకి వచ్చింది. ఆ వెంటనే వాల్సాల్ లోని పార్క్ల్ ప్రాంతానికి పోలీసులు వెళ్లారు. సీసీటీవీ ఫుటేజ్ ఆధారంగా, వెస్ట్ మిడ్ ల్యాండ్స్ పోలీసులు నేరస్తుడిని పట్టుకునే ప్రయత్నంలో ఉన్నారు. ఈ మేరకు నిందితుడి ఫోటోను విడుదల చేశారు పోలీసులు.
దాడిచేసిన వ్యక్తి శ్వేతజాతీయుడు
కాగా దాడికి పాల్పడిన వ్యక్తి 30 ఏళ్ల వయసున్న శ్వేతజాతీయుడని, పొట్టి జుట్టుతో, నలుపు రంగు దుస్తులు ధరించి ఉన్నాడని పోలీసులు పేర్కొన్నారు. బాధితురాలి వివరాలు అధికారికంగా పోలీసులు ప్రకటించనప్పటికీ, ఆమె పంజాబ్ కు చెందిన యువతి అని స్థానిక కమ్యూనిటీ గ్రూపులు పేర్కొంటున్నాయి. సమీపంలోని ఓల్డ్బరీ ప్రాంతంలో నెల రోజుల క్రితం సిక్కు మహిళపై ఇలాంటి జాతి వివక్ష అత్యాచార ఘటనే జరగడంతో స్థానికంగా తీవ్ర ఆందోళన వ్యక్తమవుతోంది. ఈ దాడి వల్ల సమాజంలో నెలకొన్న భయాందోళనలను తాము అర్థం చేసుకోగలమని వాల్ సాల్ పోలీస్ చీఫ్ సూపరింటెండెంట్ ఫిల్ డోల్చీ పేర్కొన్నారు. రాబోయే రోజుల్లో ఆ ప్రాంతంలో పోలీసుల పహారా పెంచుతామని హామీ ఇచ్చారు.
Read hindi news : hindi.vaartha.com
Epaper : epapervaartha.com
Read Also:
