బంగ్లాదేశ్లో హాదీ మరణం తర్వాత చోటుచేసుకున్న అనూహ్య పరిణామాలు రెండు దేశాల మధ్య సంబంధాలను క్షిణించేలా చేస్తున్నాయి. తాజాగా ఢిల్లీలోని బంగ్లాదేశ్ హైకమిషన్ భారతీయులకు అందించే కాన్సులర్ మరియు వీసా సర్వీసులను నిరవధికంగా నిలిపివేస్తున్నట్లు ప్రకటించింది. అనివార్య కారణాల వల్ల ఈ కఠిన నిర్ణయం తీసుకోవాల్సి వచ్చిందని, తదుపరి ఆదేశాలు వచ్చే వరకు ఇది అమల్లో ఉంటుందని స్పష్టం చేసింది. దీనివల్ల వ్యాపార, పర్యాటక మరియు వైద్య అవసరాల నిమిత్తం బంగ్లాదేశ్ వెళ్లాలనుకునే భారతీయులకు తీవ్ర ఆటంకం కలగనుంది. దౌత్యపరంగా రెండు దేశాల మధ్య నెలకొన్న అపనమ్మకాన్ని ఈ నిర్ణయం ప్రతిబింబిస్తోంది.
TG Politics: తెలంగాణ పరిషత్ ఎన్నికలపై సీఎం రేవంత్ మంత్రుల భేటీ
బంగ్లాదేశ్లో చెలరేగుతున్న ఆందోళనల దృష్ట్యా భారత ప్రభుత్వం కూడా అప్రమత్తమైంది. భద్రతా కారణాల రీత్యా చటోగ్రామ్ (Chittagong) లోని భారత వీసా అప్లికేషన్ సెంటర్ (IVAC) ను గడిచిన ఆదివారం నుంచే భారత్ మూసివేసింది. అక్కడ నిరసనకారులు భారత వ్యతిరేక నినాదాలతో దాడులకు దిగే అవకాశం ఉందన్న నిఘా వర్గాల హెచ్చరికలతో ఈ చర్యలు చేపట్టారు. ఒకవైపు బంగ్లాదేశ్ హైకమిషన్ సేవలు ఆపేయడం, మరోవైపు భారత్ తన అప్లికేషన్ సెంటర్లను క్లోజ్ చేయడం వల్ల రెండు దేశాల మధ్య రాకపోకలు దాదాపుగా నిలిచిపోయినట్లయింది. సరిహద్దుల్లో కూడా ఉద్రిక్తత నెలకొనడంతో బిఎస్ఎఫ్ (BSF) బలగాలు హై అలర్ట్ ప్రకటించాయి.
ఈ పరిస్థితులు కేవలం వీసా సేవలకు మాత్రమే పరిమితం కాకుండా, ద్వైపాక్షిక వాణిజ్యంపై కూడా తీవ్ర ప్రభావం చూపే అవకాశం ఉంది. హాదీ మృతి అనంతరం బంగ్లాదేశ్లో మైనారిటీలపై దాడులు జరుగుతున్నాయన్న వార్తలు, దానికి నిరసనగా భారత్లో జరుగుతున్న ప్రదర్శనలు ఇరు దేశాల మధ్య చిచ్చు పెడుతున్నాయి. దౌత్య మార్గాల ద్వారా ఈ సమస్యను పరిష్కరించేందుకు చర్చలు జరుగుతున్నప్పటికీ, క్షేత్రస్థాయిలో పరిస్థితులు కుదుటపడే వరకు సాధారణ స్థితి నెలకొనడం కష్టమని విశ్లేషకులు భావిస్తున్నారు. అంతర్జాతీయ సమాజం కూడా దక్షిణాసియాలోని ఈ రెండు కీలక దేశాల మధ్య మారుతున్న సంబంధాలను నిశితంగా గమనిస్తోంది.
Read hindi news: hindi.vaartha.com
Epaper : epaper.vaartha.com
