Hormuz strait closure impact : ప్రస్తుతం పశ్చిమాసియాలో యుద్ధ ఉద్రిక్తతలు కొనసాగుతున్న నేపథ్యంలో ప్రపంచ దేశాలకు మరో పెద్ద ముప్పు పొంచి ఉందని నిపుణులు హెచ్చరిస్తున్నారు. ఇప్పటికే ఇరాన్ హర్ముజ్ జలసంధిని మూసివేయడంతో ప్రపంచ ఇంధన సరఫరా వ్యవస్థలో అంతరాయం ఏర్పడింది.
ఈ మార్గం ద్వారా చమురు సరఫరా ఆగిపోవడంతో పలు దేశాల్లో చమురు, గ్యాస్ కొరత తీవ్రంగా కనిపిస్తోంది. ఇదే సమయంలో ఇప్పుడు మరో కీలక సముద్ర మార్గం అయిన బాబ్ ఎల్-మండేబ్ జలసంధి కూడా మూసివేయబడే ప్రమాదం ఉందని సమాచారం.
హౌతీల హెచ్చరికతో కలకలం
యెమెన్కు చెందిన హౌతీ మిలిటెంట్ గ్రూప్ ఈ జలసంధిని తమ ఆధీనంలోకి తీసుకోవాలని ప్రయత్నిస్తున్నట్లు తెలుస్తోంది. అమెరికా మరియు ఇజ్రాయెల్కు వ్యతిరేకంగా ఈ చర్యలు చేపట్టే అవకాశం ఉందని విశ్లేషకులు చెబుతున్నారు.
హౌతీలు ఇప్పటికే “ట్రిగ్గర్పై మా వేళ్లు సిద్ధంగా ఉన్నాయి” అంటూ హెచ్చరికలు జారీ చేయడం పరిస్థితిని మరింత ఉద్రిక్తంగా మార్చింది.
నిపుణుల అభిప్రాయం ప్రకారం ఇది ఇరాన్ వ్యూహంలో భాగమై ఉండొచ్చని చెబుతున్నారు. ఒకవేళ హౌతీలు ఈ మార్గాన్ని అడ్డుకుంటే మూడో ప్రపంచ యుద్ధానికి దారి తీసే ప్రమాదం కూడా ఉందని హెచ్చరిస్తున్నారు.
బాబ్ ఎల్-మండేబ్ జలసంధి ప్రాధాన్యం
బాబ్ ఎల్-మండేబ్ జలసంధి ఎర్ర సముద్రాన్ని గల్ఫ్ ఆఫ్ ఆడెన్ మరియు హిందూ మహాసముద్రంతో కలిపే కీలక సముద్ర మార్గం. ఇది ప్రపంచ వాణిజ్యానికి అత్యంత కీలకమైన మార్గాల్లో ఒకటి.
ప్రపంచ వాణిజ్యంలో దాదాపు 18 శాతం సరుకు రవాణా ఈ మార్గం ద్వారానే జరుగుతుంది. రోజుకు సుమారు 8.8 మిలియన్ బ్యారెళ్ల చమురు మరియు సహజ వాయువు (LNG) ఇక్కడి నుంచే రవాణా అవుతాయి.
యూరప్ మరియు ఆసియా ఖండాల మధ్య ప్రయాణించే నౌకలు సూయెజ్ కెనాల్ చేరుకోవాలంటే ఈ జలసంధి గుండా వెళ్లాల్సిందే.
Read Also: Ustaad Bhagat Singh Trailer Release: ‘ఉస్తాద్ భగత్ సింగ్’ ట్రైలర్ వచ్చేసింది
మూసివేస్తే ప్రపంచానికి భారీ ప్రభావం
ఒకవేళ ఈ జలసంధిని మూసివేస్తే నౌకలు ఆఫ్రికా చుట్టూ కేప్ ఆఫ్ గుడ్ హోప్ మార్గం ద్వారా వెళ్లాల్సి వస్తుంది.
దీంతో రవాణా సమయం అదనంగా 15 నుంచి 20 రోజులు పెరుగుతుంది. అలాగే ఇంధన ఖర్చులు, బీమా ప్రీమియంలు కూడా భారీగా పెరుగుతాయి.
ఇప్పటికే హర్ముజ్ జలసంధి మూసివేతతో ప్రపంచ ఇంధన సరఫరా వ్యవస్థలో అంతరాయం ఏర్పడింది. ఇప్పుడు బాబ్ ఎల్-మండేబ్ కూడా మూతపడితే ప్రపంచ ఇంధన సరఫరా గొలుసు తీవ్రంగా దెబ్బతింటుందని నిపుణులు హెచ్చరిస్తున్నారు.
ఇరాన్ మరియు అమెరికా మధ్య శాంతి చర్చలు విఫలమైతే ప్రపంచ ఆర్థిక వ్యవస్థపై తీవ్ర ప్రభావం పడే ప్రమాదం ఉందని విశ్లేషకులు చెబుతున్నారు.
Read hindi news: hindi.vaartha.com
Epaper : epaper.vaartha.com
Read Also: