ఇటీవల విమాన ప్రమాదాలు పెరిగిపోతున్నాయి. అహమ్మదాబాద్ లో జరిగిన ఘోర విమానప్రమాదంలో 242 మంది మరణించిన సంగతి తెలిసిందే. అప్పటి నుంచి ఎక్కడో ఒకచోటు సాంకేతిక కారణాలతో విమానాలు హఠాత్తుగా ల్యాండ్ కావడం, ప్రమాదాలకు గురికావడంజరుగుతున్నది. తాజాగా అరిజోనాలో జరిగిన విమాన ప్రమాదంలో నలుగురు మరణించారు. ఉత్తర అరిజోనాలోని (Arizona) నేషన్ సమీపంలో మంగళవారం ఒక వైద్యరవాణా విమానం కుప్పకూలింది. 12:40 గంటల సమయంలో జరిగిన ఈ దుర్ఘటనలో విమానంలో ప్రయాణిస్తున్న నలుగురు వైద్యసిబ్బంది మరణించినట్లు అధికారులు తెలిపారు. న్యూ మెక్సికోలోని అల్బుకెర్కీ నుండి బయలుదేరిన డిఎస్ఐ ఏవియేషన్ కంపెనీకి చెందిన ఈవిమానం చిన్లే మున్సిపల్ ఎయిర్పోర్ట్ సమీపంలో ల్యాండ్ అవుతుండగా ఈ ప్రమాదం జరిగింది.
సహాయక చర్యలకు ఆటంకాలు
ప్రమాదం జరిగిన వెంటనే విమానంలో మంటలు చలరేగాయని అధికారులు చెప్పారు. దీంతో సహాయక చర్యలకు ఆటంకం కలిగినట్లు సమాచారం. మరణించిన ముగ్గురు వైద్యసిబ్బంది, ఒక పేషెంట్ ఉన్నట్లు అధికారులు తెలిపారు. ఆ పేషెంట్ ను చికిత్స కోసం తీసుకెళ్తుండగా ఈ ప్రమాదం చోటుచేసుకుందని వెల్లడించారు. ఈ విషయంపై నవజో నేషన్ (Navajo Nation) అధ్యక్షుడు బుయు నైగ్రెన్ తీవ్ర దిగ్భ్రాంతి వ్యక్తం చేశారు.
ప్రమాదానికి కారణాలు తెలియదు
కాగా ఈ ప్రమాదానికి గల కారణాలు ఇంకా తెలియలేదు. ఫెడరల్ ఏవియేషన్ అడ్మినిస్ట్రేషన్ (ఎఫ్ఎ), నేషనల్ ట్రాన్స్ పోర్టేషన్ సేఫ్టీ బోర్డు(ఎస్టిఎసి) ఈ ఘటనపై దర్యాప్తు ప్రారంభించాయి. దీనికి సంబంధించిన పూర్తి వివరాలు దర్యాప్తు పూర్తయిన తర్వాత వెల్లడి కానున్నాయి.
అరిజోనా రాష్ట్రం ఎందుకు ప్రపంచవ్యాప్తంగా ప్రసిద్ధి చెందింది?
అరిజోనా రాష్ట్రం ప్రపంచంలోని ఏడు ప్రకృతి అద్భుతాలలో ఒకటైన గ్రాండ్ కేన్యాన్ నేషనల్ పార్క్కు నిలయంగా ఉండటంతో ప్రసిద్ధి చెందింది. అదనంగా అనేక జాతీయ అడవులు, జాతీయ పార్కులు, జాతీయ స్మారక చిహ్నాలు ఈ రాష్ట్రంలో ఉన్నాయి.
అరిజోనా రాష్ట్రంలో వాతావరణం ఎలా ఉంటుంది?
అరిజోనా రాష్ట్రం ప్రధానంగా ఎడారి వాతావరణాన్ని కలిగి ఉంటుంది. వేసవిలో ఉష్ణోగ్రతలు ఎక్కువగా ఉంటాయి, శీతాకాలంలో చల్లగా ఉంటుంది. ఎడారి ప్రాంతాల పక్కన పర్వతాలు, అరణ్య ప్రాంతాల్లో వాతావరణం కొంత మితంగా ఉంటుంది.
Read hindi news: hindi.vaartha.com
Read Also: