ప్రపంచ దేశాల మధ్య ఆహారపు అలవాట్లు విభిన్నంగా ఉండడం సహజం. కొన్ని దేశాలు శాకాహారాన్ని ప్రాధాన్యంగా తీసుకుంటే, మరి కొన్ని దేశాలు మాంసాహారాన్ని అధికంగా వినియోగిస్తారు. ముఖ్యంగా మాంసం వినియోగంలో దేశాల మధ్య స్పష్టమైన వ్యత్యాసం కనిపిస్తోంది.
Read Also: Kenya: కెన్యా విమాన దుర్ఘటనలో 11మంది మృతి
ఐక్యరాజ్యసమితికి చెందిన ఆహార, వ్యవసాయ సంస్థ (FAO) 2022 సంవత్సరానికి విడుదల చేసిన నివేదిక ప్రకారం, అమెరికా (America), అర్జెంటీనా, ఆస్ట్రేలియా దేశాలు ప్రపంచంలో అత్యధిక మాంసం తినే దేశాలుగా నిలిచాయి. ఈ దేశాల్లో ఒక్కో వ్యక్తి ఏడాదికి సగటున 110 కిలోలకుపైగా మాంసాన్ని వినియోగిస్తున్నట్లు ‘వరల్డ్ పాపులేషన్ రివ్యూ’ వెల్లడించింది.
వీరితో పాటు మంగోలియా, స్పెయిన్, ఇజ్రాయెల్ వంటి దేశాల్లో కూడా తలసరి మాంసం వినియోగం 100 కిలోల కంటే ఎక్కువగా ఉంది. ధనిక దేశాలు కావడం, స్థానిక వంటకాల్లో మాంసానికి ప్రాధాన్యత ఉండటం వంటివి ఇందుకు ప్రధాన కారణాలుగా నిలుస్తున్నాయి.ఇందుకు పూర్తి భిన్నమైన పరిస్థితి ఆఫ్రికా, దక్షిణాసియా దేశాల్లో నెలకొంది.
2022 సంవత్సరానికి భారత్ డేటా అందుబాటులో లేనప్పటికీ
ఈ ప్రాంతాల్లో మాంసం ధరలు అధికంగా ఉండటం, సాంస్కృతిక కారణాల వల్ల దాని వినియోగం చాలా తక్కువగా ఉంది. 2022 సంవత్సరానికి భారత్ డేటా అందుబాటులో లేనప్పటికీ, గత గణాంకాలను పరిశీలిస్తే ఇక్కడ మాంసం వినియోగం ప్రపంచంలోనే అతి తక్కువగా ఉండే దేశాల జాబితాలో ఉంది.
డెమొక్రటిక్ రిపబ్లిక్ ఆఫ్ కాంగో, బంగ్లాదేశ్ వంటి దేశాల్లోనూ ఇదే పరిస్థితి కొనసాగుతోంది. అలాగే, యుద్ధం, సరఫరా సమస్యలతో సతమతమవుతున్న సిరియా, యెమెన్, ఉత్తర కొరియా వంటి దేశాల్లో కూడా ప్రజలు మాంసానికి దూరంగా ఉంటున్నారు.
Read hindi news: https://hindi.vaartha.com
Epaper : epaper.vaartha.com/
Read Also: