AI and employment future : ఏఐ టూల్స్ వల్ల సాఫ్ట్వేర్ రంగానికి భారీ దెబ్బ పడుతుందన్న భయాలపై ప్రముఖ టెక్ నిపుణులు స్పష్టత ఇచ్చారు. ఏఐ కారణంగా ఉద్యోగాలు తగ్గవని, మరింతగా కొత్త అవకాశాలు ఏర్పడతాయని Google, NVIDIA, అలాగే Anthropic సంస్థల అధినేతలు భరోసా ఇస్తున్నారు.
ప్రస్తుతం ఏఐ ప్రభావం ప్రపంచవ్యాప్తంగా కనిపిస్తున్నప్పటికీ, సాఫ్ట్వేర్ రంగంలో కొనసాగుతున్న లేఆఫ్లకు కేవలం ఏఐనే కారణంగా చూడకూడదని నిపుణులు అభిప్రాయపడుతున్నారు. ఏఐ అనేది ఇప్పటికే ఉన్న సాఫ్ట్వేర్ వ్యవస్థలపై ఆధారపడి పనిచేస్తుందే తప్ప, వాటిని పూర్తిగా భర్తీ చేయదని ఎన్విడియా సీఈఓ Jensen Huang స్పష్టం చేశారు. ఏఐ టూల్స్ డెవలపర్ల పనిని సులభతరం చేస్తాయే గానీ, ఉద్యోగాలకు ముప్పుగా మారవని ఆయన అన్నారు.
Read Also: Ghee Controversy : కల్తీ జరిగింది మీ హయాంలో కాదా ? – విడదల రజనీ
ఈ విషయంపై గూగుల్ సీఈఓ Sundar Pichai కూడా స్పందించారు. ఏఐ వల్ల ఉత్పాదకత పెరుగుతుందని, రిపిటేటివ్ పనులను ఆటోమేషన్ చేస్తుందని చెప్పారు. గూగుల్లో ఇప్పటికే సుమారు 30 శాతం కోడ్ ఏఐ సాయంతో రూపొందుతుందని, దీని వల్ల కొత్త ఉత్పత్తులు వేగంగా మార్కెట్లోకి వస్తాయని ఆయన తెలిపారు. గతంలోనూ టెక్నాలజీ మార్పుల సమయంలో ఇలాంటి భయాలు వచ్చాయని, కానీ ఉద్యోగాలు మాత్రం పెరుగుతూనే వచ్చాయని గుర్తు చేశారు.
ఇక ఆంథ్రోపిక్ సహ వ్యవస్థాపకురాలు Daniela Amodei మాట్లాడుతూ, ఏఐ వల్ల కోడింగ్ ప్రాముఖ్యత కొంత తగ్గవచ్చేమో కానీ ఉద్యోగుల అవసరం తగ్గదని చెప్పారు. భవిష్యత్తులో కమ్యూనికేషన్ స్కిల్స్, సృజనాత్మకత, కొత్త విషయాలు నేర్చుకునే ఆసక్తి ఉన్నవారికి ఎక్కువ డిమాండ్ ఉంటుందని ఆమె వెల్లడించారు. భావోద్వేగాలను అర్థం చేసుకునే సామర్థ్యం, సానుకూల దృక్పథం ఉన్నవారు ఏఐ యుగంలో మరింత కీలకమని పేర్కొన్నారు.
Read hindi news: hindi.vaartha.com
Epaper : epaper.vaartha.com
Read Also:
