ప్రస్తుతం ఆర్టిఫిషియల్ ఇంటెలిజెన్స్ (AI)(artificial intelligence) రోజురోజుకు కొత్త పుంతలు తొక్కుతోంది. ఇప్పటికే ఏఐ వల్ల అనేక కంపెనీలు లేఆఫ్(Layoffs)లు ప్రకటిస్తున్నాయి. దీంతో లక్షలాది ఉద్యోగాలు పోతున్నాయి. ఉద్యోగం ఎప్పుడు ఊడుతుందో తెలియక ఐటీ ఉద్యోగులు(IT Employees) ఆందోళన చెందుతున్నారు. ఇప్పటికే ఏఐ ఐటీతో సహా దాదాపు అన్ని రంగాల్లోకి వ్యాపించింది. రాబోయే రోజుల్లో దీని వినియోగం మరింత పెరగనుందని.. దాదాపు అన్ని పనులు ఏఐ ద్వారానే జరుగుతాయని నిపుణులు అంచనా వేస్తున్నారు. అంతేకాదు ఏఐని సరిగ్గా వినియోగించకపోతే ప్రమాదాలు కూడా పొంచి ఉన్నాయని హెచ్చరిస్తున్నారు.
మానవాళిని తుడిపెట్టేసే అవకాశం వుంది: జాఫ్రీ హింటన్
గాడ్ఫాదర్ ఆఫ్ ఏఐగా గుర్తింపు పొందిన జాఫ్రీ హింటన్ కూడా తాజాగా ఏఐపై సంచలన వ్యాఖ్యలు చేశారు. నెవడాలోని లాస్వెగాస్ జరిగిన ఏఐ4 సమావేశంలో ఆయన మాట్లాడారు. భవిష్యత్తులో ఆర్టిఫిషియల్ ఇంటెలిజెన్స్ అనేది మానవాళిని తుడిపెట్టేసే ఛాన్స్ ఉందని పేర్కొన్నారు. దీన్ని నివారించేందుకు భావోద్వేగపూరితమైన ఏఐ వ్యవస్థను తీసుకురావాల్సిన అవసరం ఉందని తెలిపారు. మానవుల సంరక్షణ అంశంపై వాటికి అవగాహన కల్పించాలని సూచనలు చేశారు.
రాబోయే రోజుల్లో ఏఐ మానవ మేదస్సును అధికమిస్తుంది
ఏఐ వ్యవస్థలు ప్రస్తుతానికైతే మానవుల నియంత్రణలోనే ఉన్నాయని చెప్పారు. అయితే ఈ పరిస్థితి ఇలాగే కొనసాగుతుందని చెప్పలేమన్నారు. రాబోయే రోజుల్లో ఏఐ మానవ మేదస్సును అధిగమిస్తే.. ఇది ఇతర మార్గాలు అన్వేషిస్తుందని తెలిపారు. అంతేకాదు ఇటీల ఓ వ్యక్తి రస్యాలు బయటకు చెప్పేస్తానని ఏఐ బెదిరించిన విషయాన్ని కూడా వివరించారు. అందుకోసమే ఏఐ వ్యవస్థను భావోద్వేగ స్పందనలు కలిగి ఉండేలా రూపొందించడం మంచిందని అభిప్రాయం వ్యక్తం చేశారు. ఇలా చేయడం వల్ల మానవాళికి ఎలాంటి ప్రమాదం ఉండదని వెల్లడించారు.
నేడు AI ఎలా ఉపయోగించబడుతోంది?
ఆధునిక జీవితంలోని అనేక అంశాలలో AI ఉపయోగించబడుతుంది, తరచుగా ప్రజలు గ్రహించకుండానే. ఇది ఆన్లైన్ షాపింగ్లో వ్యక్తిగతీకరించిన సిఫార్సులకు శక్తినిస్తుంది, భాషా అనువాదంలో సహాయపడుతుంది, శోధన ఇంజిన్ ఫలితాలను మెరుగుపరుస్తుంది మరియు స్మార్ట్ హోమ్లు మరియు రవాణాలో ఎక్కువగా ఉపయోగించబడుతుంది.
AI మంచిదా చెడ్డదా?
AI అనేది సహజంగానే మంచిది కాదు లేదా చెడ్డది కాదు; దాని ప్రభావం దానిని ఎలా అభివృద్ధి చేసి ఉపయోగిస్తారనే దానిపై ఆధారపడి ఉంటుంది.
Read hindi news: hindi.vaartha.com
Read also: