News Telugu: యెమెన్లోని హూతీ తిరుగుబాటుదారులపై ఇజ్రాయెల్ వైమానిక దాడులు నిర్వహించగా, ప్రధాన నేత అహ్మద్ అల్-రహావీ మృతి చెందారు. హూతీల ధృవీకరణ ప్రకారం, రహావీతో పాటు పలువురు మంత్రులు కూడా ఈ దాడుల్లో ప్రాణాలు కోల్పోయారు.
దాడి వివరాలు
ఈ వైమానిక దాడులు యెమెన్ (Yemen) రాజధాని సనా ప్రాంతంలోని హూతీ సైనిక స్థావరాలను లక్ష్యంగా చేసింది. హూతీలు తెలిపిన వివరాల ప్రకారం, దాదాపు 10 మంది మరణించగా, 100 మందికి పైగా గాయపడ్డారు. ఈ దాడులు ప్రధానంగా హూతీ నేతల సమావేశ సమయంలో జరిగింది, అందులో రహావీ మరియు ఇతర మంత్రులు పాల్గొన్నట్టు సమాచారం. యెమెన్ రాజధాని సనాలో హూతీ పాలకుల సైనిక స్థావరమే లక్ష్యంగా దాడులు చేసినట్లు ఇజ్రాయెల్ (Israel) సైన్యం ప్రకటించింది. ఈ దాడుల్లో ప్రధాని అహ్మద్ అల్ రహావీతో పాటు పలువురు మంత్రులు మృతి చెందినట్లు హూతీలు ఒక ప్రకటనలో తెలిపారు.
రహావీ మరియు హూతీ ఉద్యమం
2024 ఆగస్టు నుంచి రహావీ హూతీల నియంత్రిత ప్రాంతానికి ప్రధానిగా బాధ్యతలు చేపట్టారు. హూతీలు, ఇరాన్ మద్దతుతో, యెమెన్ లో కీలక రాజకీయ పాత్ర పోషిస్తున్నారు. గతంలో కూడా ఈ ఉద్యమం పాలస్తీనీయన్లకు మద్దతుగా ఇజ్రాయెల్ పై దాడులను ప్రేరేపించింది.
హతమయ్యిన ప్రధాన నేతల ప్రభావం
అహ్మద్ అల్-రహావీ హతమవ్వడం, హూతీ ఉద్యమానికి గట్టి షాక్ గా భావించవచ్చు. ఈ సంఘటన హూతీల రాజకీయ, సైనిక స్థితిపై తీవ్ర ప్రభావం చూపే అవకాశం ఉంది.
Read hindi news: hindi.vaartha.com
Read also: