ఇరాన్ అణు కేంద్రాలపై అమెరికా (US on Iran’s nuclear sites) జరిపిన ఆకస్మిక దాడి ప్రపంచ దృష్టిని ఆకర్షించింది. ఈ భారీ యుద్ధ ఆపరేషన్కు “మిడ్నైట్ హ్యామర్” (Operation Midnight Hammer) అనే కోడ్ నేమ్ పెట్టారు. అమెరికా అత్యాధునిక బీ2 స్టీల్త్ బాంబర్లు ఈ దాడిలో కీలక పాత్ర పోషించాయి.పెంటగాన్ ప్రకారం, ఈ దాడిలో 14 మాసివ్ ఆర్డినెన్స్ పెనిట్రేటర్ (MOP) బాంబులు వేశారు. ఒక్కో బాంబు గరిష్ఠ నాశనం చేయగల శక్తి కలిగి ఉంది. బీ2 బాంబర్లు 4.2 లక్షల పౌండ్ల పేలుడు పదార్థంతో ఫోర్డో, నటాంజ్ అణు కేంద్రాలపై దాడి చేశాయి.ఈ ఆపరేషన్ పూర్తిగా రహస్యంగా సాగింది. శత్రువును తప్పుదారి పట్టించేందుకు మొదట రెండు బీ2 బాంబర్లను పసిఫిక్ దిశకు పంపారు. అదే సమయంలో మరో ఏడు బీ2 బాంబర్లు తూర్పు దిశగా ప్రయాణించి టార్గెట్లపై దాడి చేశాయి.
ఫైటర్ జెట్లతో ఎస్కార్ట్ – టామ్హాక్ మిస్సైళ్ల సహకారం
బీ2 బాంబర్లను ఫైటర్ జెట్లు ఎస్కార్ట్ చేశాయి. దాడికి గంట ముందు అమెరికా సబ్మెరైన్ నుంచి రెండు డజన్ల టామ్హాక్ క్రూయిజ్ మిస్సైళ్లను కూడా ప్రయోగించారు. ఈ మిస్సైళ్లు ఇస్ఫహాన్ యురేనియం కేంద్రాన్ని లక్ష్యంగా చేసుకున్నాయి.ఫోర్డో భూగర్భ యురేనియం శుద్దీకరణ కేంద్రంపై తొలిసారిగా బంకర్ బస్టర్ బాంబులను ఉపయోగించారు. బీ2 బాంబర్లు ఈ కేంద్రంపై భారీగా బాంబులు వేసాయి. నటాంజ్ యురేనియం సైటుపై కూడా భారీ సైజు బాంబులు వేశారు.
పదిహేనుగంటల రహస్య దౌత్యం – చిన్న వర్గానికే సమాచారం
ఈ ఆపరేషన్ గురించి కేవలం కొంతమంది అధికారులకు మాత్రమే ముందస్తు సమాచారం ఉంది. మొత్తం 18 గంటల పాటు బీ2 బాంబర్లు ప్రయాణించాయి. ఆ దారిలో లెబనాన్, సిరియా, ఇరాక్ గగనతలాల్లో గమనించకుండా సాగాయి.ఈ దాడిని అమెరికా రక్షణ శాఖ పుల్ గోప్యతతో నిర్వహించింది. అమెరికా చరిత్రలో ఇదే అతిపెద్ద బీ2 ఆపరేషనల్ స్ట్రైక్గా గుర్తింపు పొందింది.
Read Also : Iran : ఇజ్రాయిల్ దాడుల్లో 500 మంది మృతి